Ha ki khatphra sngi kurup masi 1348 tylli ki BSF na khappud Bangladesh, shongdor T.2.20 klur

Shillong, Kyllalyngkot 18: Ka jingjyllei ka jingkhaii masi tuh sha Bangladesh na Meghalaya kala long haduh katta katta ha kaba ha kine ki khatphra sngi jong mynta u bnai ki BSF kila ioh kurup masi haduh 1348 tylli bad ka dor jong kine ki masi kala kot sha ka T.2.20 klur tyngka.

Na ka liang ki shipai iada khappud bad ka Bangladesh kila dang pynkhlain shuh shuh ia ka jingpahra ha khappud ban ialeh pyrshah ia kine ki kam khaii tuh ym tang ia ki masi. Na ka liang jong ki BSF ki shem ba ka jingkhaii beain ka kham jyllei mynta u snem 2020 ban ia u snem 2019.

Ki BSF kila ong ba kine ki masi ki wan na ka jylla Assam bad la kit ia kid a ki trok ban pynpoi sha khappud bad ka Bangladesh bad la buh ia ki ha ki khlaw ba haba ki nongkhaii beain ki ioh ia ka lad ki sa pynrung ia ki masi sha Bangladesh.

Ki lynti kaba ki nongkhaii masi tuh ki pyndon kam ki long na Khanapara – Jowai- Sonapur; Khanpara-Ladrymbai-Rymbai;Khanapara-Shillong-Pynursla. Ha lynti kila shna ruh ia ki jingkieng ban pynkiew iaki masi sha ki Trok.

Ha ki bynta jong ka Garo Hills la juh buh iaki masi ha khappud da kaba leh mynleh ba ka dei ka jaka ri masi bad kid a don ruh ka jingbit na ki nongsynshar shnong naka liang jong ki BSF kila ia kren bad ki bor sorkar ban pynshisha haduh katno kine ki syrnot ki long kiba shisha.

Ha kine ki khatphra sngi ki shipai BSF kila ioh ban kurup haduh 1348 tylli ki masi na khappud bad ka Bangladesh bad ka dor jong kine ki masi kala kot sha ka T,2,20,27,400/- tyngka. Tang ha East Jiantia Hills la ioh ba kem haduh 277 tylli ki masi.

Ki BSF kila ong ba ia kine ki masi kiba la kem da ki BSF bad la juh die lilam ia ki bad ha dien ba la don ba thied la juh ong ba ia kine ki masi dei ban rah noh na khappud bad ka Bangladesh khnang ba kin nym long shuh ban die biang sha Bangladesh.

 

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet