Ha ki saw bnai kurup ki pulit  3.62 kilo u drok herion shongdor T.18.33 klur: DGP

Shillong, Nailur 23: U Dr. L R Bishnoi Director General ki Pulit jong ka jylla Meghalaya mynta ka sngi la ong ba ha pdeng ki 72 kynta ki pulit jong ka East Khasi Hills District kila ioh ban kurup 400 gram u drok heroin bad ka do iew kala kot sha ka T.18 klur tyngka.

Haba kren ha ki lat pathai khubor mynta ka sngi ha ha ophis trei kam jong u DGP, u Dr. Bishnoi la aithuh ba la ioh ban kurup 400 grams u drok heroin, ar tylli ki bike, kawei ka kali bad ka Pisa kumba T.5.5 lak tyngka.

U DGP la air uh ia ka jingkhein ba ha kine ki saw bnai kiba la dep, ki pulit jong ka jylla Meghalaya kila ioh ban kurup haduh 3.62 kilo u drok heroin, 4500 kilo u Ganja, 150 gram u Opium, 145 bilor dawai pynbuid, 11902 ki kulit pynbuaid, kine baroh ka dor jong ki kala kot sha ka T.18.33 klur.

Halor kane ka jinglah jong ki pulit ban ioh kem u DGP u la ai ka burom ia baroh ki pulit jong baroh ki District ha ka jylla kiba la trei shitom, kane ka kdew ia ka jingtrei shitom jogn baroh na ka tnad pulit kiba la ia treilang bad ka tnad syntiat.

Ryngkat bad ki drok  ha kin ki saw bnai la ioh ban kurup 31 tylli ki kali kiba la shah tuh, kiba bun na ki kali kiba la ioh ban kurup  dei ki kali rit na kitei saw tylli dei ki trok, la ioh ban kurup biang 90 tylli ki mobile phone, la ioh kurup kawei ka pistol bad ki kuli.

Ka pisa kaba la ioh ban kurup na ki nongkhaii dork baroh kala kot sha kaT.24.22 lak tyngka, ki mukotduma kiba la ujor sha iing bishar baroh ki long 48 tylli, la kem 134 ngut kiba la shah kynnoh, na kine 125 ngut ki dei ki shynrang bad 9 ngut ki kynthei.

Na kine kiba la shah kem 134 ngut, kiba la shah kem na Meghalaya ki don 123 ngut, 11 ngut ki dei kiba na shabar ka jylla kito kiba nabar ki dei na Assam, Manipur bad Arunachal Pradesh, na ki 134 ngut 5 ngut dei kiba la juh shah kem teng man ka por.

Ha Meghalaya na ki 12 tylli ki District, ka jingiakhaii drok ka long ha ki 8 tylli ki District, kita ki District ki long ka East Khasi Hills District, West Khasi Hills District, South West Khasi Hills District, East Jiantia Hills, West Jaintia Hills, Ri Bhoi West Garo Hills bad South Garo Hills District.

Ha Meghalaya ki don 76 tylli ki police station bad na kitei 18 tylli ki police  station kiba don ia ki mukotduma ba ia dei bad ka kam drok, kane ka pynlong ia ki pulit ban budien bad ban pynduh ia ka jingia khaii drok.

Ha kine ki saw bnai ki pulit kila trei shitom ruh ban kem ia ki nongthuh bike, la ki dei na Tura lane na Shillong bad kila ioh ban kurup haduh 141 tylli ki bike kiba la shah tuh bad la ioh ban kem haduh 61 ngut ki nongtuh bike.

Ha kine ki ar sngi ki pulit kila khynra ia ki jaka ba la suba  ba dei ki nongkhaii drok bad kila ioh ban kurup haduh 390 gram herion 15 gram jingdih pynbuaid, 7 tylli ki mobile bad kawei ka kali, mynshisngi la ioh ban kurup 64 gram u drok heroin,  5 tylli ki mobile phone, kawei ka kali.

U DGP la ong ba ngi sngewthuh ba lyngba ki lat pathai khubor lah ban pynsngewthuh ia ki briew ia ka jingsniew kine ki jingdih buaid bad ki pulit kin ialeh katba lah ban ia khun pyrshah ia ki nongkhaii drok  la ong u DGP ki pulit ka jylla Meghalya.

 

 

 

 

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet