Ha ki saw sngi ba khi ka lyeriong, shah ktah 700 ki shnong, julor 10554 ki iing ha jylla

Shillong, Iaiong 18: U myntri ba dei peit ia ka Revenue bad Disaster Management Department Mr. Kyrmen Shylla, ba dei ruh u Chairman mynta ka sngi u la khot ia ka jingialang ban ia kren halor ka jingshah ktah na kane ka jingkhi eriong ha kine ki saw sngi linter kaba la jia naduh ka 14 haduh 17 tarik mynta u bnai.

Ha ka jingiakynduh lang mynta ka sngi, la don lang u Chief Secretary ka jylla ki Deputy Commissioner jong ki District. Ha kane ka jingialang mynta ka sngi na ka liang jong u myntri u la bethah ia baroh ki Deputy Commissioner bad ia baroh ki ophisar ba kin long ki ba peitngor bad ba kin poi lut sha baroh ki shnong kyndong ruh kiba shah ktah ha kane ka jingshah lynshop ha ka mariang.

Na ka liang jong u Chief Secretary u la bethah ia ia baroh ki Deputy Commissioner ba kin ai ia ka kaiphot kaba biang, ha kane ka jingialang u Additional Chief Secretary ba dei peit ia ka  Revenue & Disaster Management Department u la ai ia ka jingkhien kyllum ha kaba ia dei bad kane ka jingshah pynjulor ha kaba ia dei bad ka jingduh ki iing ki sem.

Ha kane ka jingshah lynshop ha ka mariang, lai ngut ki briew kila mynsaw kiba hapoh jong ka West Garo Hills ha kaba la ai ka jingsumar hapoh ki Hospital, kane ka jingshah pynjulor ha ka mariang kala ktah ia baroh ki District ha ka jylla.

Katkum ka kaiphot kaba la ioh ka long ba haduh mynta ki shnong kiba la shah ktah ki long 700 tylli bad ki iing kiba la shah pynjulor ki long 10554 tylli, ki iing skul ki la kot sha ka 100 tylli.

Na ka liang jong ka sorkar kala ai ia ki jingiarap kiba don kam kyrkieh. Ha kane ka jingjia kala don ka jingshah pynjulor ki ksainar ilejtrik khamtam ha West Garo Hills, South West Khasi Hills, Ri Bhoi, na ka liang jong ka MePDCL kala pyrshang ban maramot biang ia ki.

 

 

What Next?

Recent Articles

Leave a Reply

Submit Comment

*