Shillong, Jylliew 25: Ka KSU Ranikor Unit m
ynta ka sngi kala pynkup burom ia ka samla Amika Marwein kaba la wan ha ka kyrdan ba phra ha ka examin matrik kaba la pynbna dang shen da ka MBOSE kaba dei na ka shnong Nonghyllam jong ka South West KHasi Hills District.
Ha ka jingkren u president jong ka KSU South West Khasi Hills District ban ai burom ia kane ka samla kaba la trei shitom ban poi sha kane ka thong, u la ong ba ha kine ki khyndiat mynta la iohi ia ka jingduna ki Khasi kiba pass ia ka IAS lait noh hangne hangtai teng teng, kiba bun dei kiba shu shah thung.
Ha ka juh ka por u la kren sngewsih ban iohi ba kiba bun ki khasi kiba la niew ba ki dei kiba la nang la stad ki klet noh ia la ka jong ka thymmei ki ia byrthuh ia jong kiwei. Ha kane ka sngi u la kyntu kynpham ia ka samla Amika Marwein ba kan dang iai trei shitom shuh shuh ban kiew sha ki kyrdan kiba kham sha jrong kane ka jingjop mynta ka dei ka jingsdang.
Ha ka jingkren u President ka KSU Ranikor u samla Marcony Thongni u la kynty ia ki bor sorkar kiba dei peit ia ka South West KHasi Hills District bad kum juh ia ki bor jong ka Ranikor Adminstrative Unit ba kin ai ka jingithuh ia kane ka samla kaba la wan na katei ka thain kaba dang sah dien ha bun ki liang.
Ha ka jingkren jong ka samla Amika Marwein, kala pynpaw ia ka jingsngewnguh ia ki kmie ki kpa bad ia kiba ha iing ka sem kiba la ai ka jingkyrshan ia ka bad kum juh ia baroh ki nonghikai jong ka skul sevent Set kiba la btin lynti. Ka khubor kaba ka kwah ban ong kam don jingmut ban pynlut bun kynta ha ka kaba khreh kot lada khlem pynlait jingmut. Kaba kongsan ka long ban pynlait jingmut.
