Ha kylleng ka jylla la pynlong ia ka jingrakhe ia ka jingdap 46 snem ka jylla Meghalaya

DSC_3985Shillong, Kyllalyngkot 22: Mynta ka sngi ka jylla Meghalaya kala rakhe ia ka jingdap 46th ka jylla da ki jingialang paidbah ba la pynlong da ka sorkar ha kylleng ki bynta jong ka jylla Meghalalya.

Ha kane ka nongbah Shillong la pynlong ha U Soso Tham Auditorium ha kaba u Lat jong ka jylla u Ganga Prasad u la long u kongsan.Ha ka jingkren ka jong u lat u la ai ka jingiaroh ia ki nongialam kiba la lah ban pynioh ia ka jylla Meghalaya.

U la pynpaw ia ki kam kiba ki nongialam kiba la leit noh ki la leh na ka bynta ka jylla wat ha pdeng shibun ki jingeh kaba ki ia kynduh ha kato ka por.U la ong ba ka jingiakhih ban ioh ia ka jylla ka dei ka jingiakhih jong ki paidbah na ka bynta ban pynneh pynsah ia ka riti dustur kumba dei ban long.

Ha kane ka sngi u Lat jong ka jylla u la ai ruh ia ka khusnam sha ki 15 ngut ki nongtrei sorkar ha kane ka sngi Meghalaya Day, ia kaba la tip kum ka Meghalaya Day Excellence Awards. Ha kane ka sngi u Chief Secretary jong ka jylla u T. Tsering y la don lang ryngkat ki heh sorkar. Ia ka jingkren pdiang burom la kren da ka kong M N Nampui secretary ka tnad pathai khubor jong ka sorkar jylla.

Ia kane ka sngi jingdap 46th snem ka jylla la rakhe ruh ha West Garo Hills District la pynlong ha Tura, ha South West Garo Hills District ha Ampati, ha Jaintia Hills la pynlong ka District Library Auditorium, Mynthong, Jowai bad ha Amlarem, ha East Garo Hills District la pynlong ha Williamnagar.

 

 

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet