Shillong, Lber 20: Ban khanglad ia ka jingshong kha khynnah mynta ka sngi la puynlong ia ka jingialang paidbah ha Lad Smit ban pynsngewthuh ia ki paidbah ha kaba ia dei bad ka jingma kaba ap na ka shong kha khynnah ia kane ka pynlong da ka World Vision of India.
Ha kane ka jingialang paidbah la kren ruh ia ka jingle pyrshah bad ki kam thombor ia ki kynthei khynnah bad kane ka jingialang ka long khamtam eh ban khanglad ia ka jingshong kha khynnah.
Haba kren ha kane ka jingialang ka kong Meen Kharkongor, kala kren halor ka hok jong ki khynnah, ha kaba ki don ia ka hok ban im bad ka hok ba kin kiew ha ki liang baroh bad ha ka jingkren, kala ban jur halor ka jingdon jong ka ain Protection of Children from Sexual Offences (POSCO) Act.
Ha ka jingkren la pynsngewthuh ruh ia ka kamram jong ki kmie ki kpa ba kumno ban ai ka jingnang jingstad ia ki khun ki kti jong ki bad ban ri ban sumar ia ki ha ka rukomka biang. Ha kane ka sngi ka kong I Warjri ruh kala ai jingkren kum ka Mission Director State resource centre. Na kaliang jong ki doctor la kren da ka Dr. Andreena Lyngdoh, kiba la wan ban ia shim bynta ki dei ki khynnah skul na ka thain smit.
