Ha Lawsohtun pynlait paidbah u Bah Hamletson ia ka skhim hikai computer ei

Shillong, Nailur 12: ki nong shongshnong jong ka Lawsohtun, mynta ka sngi kila pynpaw iaka jingsngew kmen ka ba khraw haduh katta katta hadien  ba ka jingshim khia naka liang u VLE Lawsohtun ha ryngkat bad ka jingia trei lang bad u MLA bah Hamlet Dohling uba bat ruh kum U Minister jong ka Information bad Technology (IT) ha poh ka sorkar jylla kila ioh ban pyllait paidbah iaka skhim PMGDISHA Digital Literacy kaba dei ruh ka Skhim jong ka Central Government.

Ha kane ka jingialang paidbah la ioh iaka jingpynshai  na u ophisar jong ka E-Service jong ka tnad IT, Bah Joshuwa Lyngdoh u la ong ba ka jing thmu jong ka ne ka skhim kalong ban ai jinghikai  iaki nongshong shnong  khamtam kiba sah sha ki nongkyndong ki long iing kiba duk bad ruh ki khynnah kiba la  pynkut noh iaka jingpule shiteng por ba  lyngba ka ne ka skhim kan iarap ruh iaki nongshong shnong ban tip iaki lad pyndonkam lyngba ki Kor Computer kat kum ka jingstad thymmai jong ka juk kaba mynta.

Iaka ne ka skhim  ka sorkar pdeng jong ka Ri India kan ai jinghikai ei sha ki paidbah lyngba Ki Common Service Center (CSC) kiba lah ban Enroll ia lade lyngba kane ka skhim ki dei ban kynjoh iaka rta 14 snem shajrong haduh 60 snem.

U Rangbah shnong  jong ka tei ka shnong bah Mitchel Wankhar U la pynpaw ruh  ka jing sngew kmen ba kum kane ka skhim ka wan ha  ka shnong  . naka liang jong u u la kular baka dorbar kan ai ka jingia trei lang khnang bakane ka jing thmu kan long ka ba jop.

Haba ai jing kren hakatei ka sngi u bah Hamlet Dohling kum u kongsan  u la ai ka jingiaroh ia u samla Allfondbirth Kharsyntiew VLE jongka shnong Lawsohtun ba u long ruh  u Samla u ba iohi jngai. Badei naka jingshim khia ka jong u ne u samla la lah ban pynlong iakane ka program kaba I shongkun shikatdei eh. Haba kren kum u kongsan ula iaroh iaka jing wan shim bynta jong ki nongrep ki nongbylla shispah sngi ki nognhikai skul bad baroh ki khynnah skul naka tei ka shnong .

U la pynpaw bakane ka juk kaba mynta ngi la pyndonkam shisha dakita ki jingstad jong ki kor computer ha baroh ki liang khamtam kum haka ba apply iaki kam ki jam apply scholership, wad admission skul, ban phah pisa naka wei ka account sha kawei pat, apply iaki  Birth Certificate, Scheduled Tribe bad ki kot donkam  bapher bapher.

Kim donkam shuh ban leit shaki office sorkar hynrei la lah ban shu apply tang naka mobile lyngba ki Apps kat kum ka juk. kane kan pynsuk shibun iaki nongshong shnong  khamtam haba la jngai ka ktah wat iaka bai leit bai wan kumta u la kyntu iaki nongshong shnong ba kin shimkhia iakane ka jingai jinghikai lyngba U VLE haka CSC lawsohtun.

Naka liang u tei u Minister ula kular ruh ban ai 3 tylli ki kor Computer iaka CSC lawsohtun khnang bakan long ka jing myntoi  iaki paidbah nongshong shnong. Naka liang U samla Allfondbirth Kharsyntiew VLE jong ka Lawsohtun U la ai ka jing khublei ia u kongsan bah Hamlet Dohling bad ia baroh ki nongshong shnong ki nongrep ki nongbylla shispah sngi ki nonghikai ki khynnah skul bad khamtam iaki Rangbah jong ka shnong bad ki long kmie long kpa kiba lawan shim bynta hakatei ka jingplie iaka PMGDISHA ha Lawsohtun.

 

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet