Ha Madan Polo ong u Bah Shylla ‘Wat sngew lehrain ba phin ong ba nga ieit ia ka jaidbynriew’

Bah HS ShyllaShillong, Nailur 07: U Chief Executive Member (CEM jong ka KHADC u bah HS Shylla haba kren kum u kongsan ha ka dorbar jong ka Hima Mylliem kaba la long mynta ka sngi ha Madan Polo, u la ong “Wat sngew lehrian ba phin ong ba nga eit ia ka jaidbynriew”.

Ha kane ka dorbar jong ha Hima Mylliem, u Bah Shylla u la ong ba u pyrshah jur ia ki jingthoh kiba la thoh ban ong ba ka iing ka sem ka ri ka dei ka iing ka sem kaba suk ban don tang ar ngut ki khun, kane ka jingpyrshah ka lah ban long ia ka sorkar pdeng lane ia ka sorkar jylla ruh.

Kane ka jingthoh ban ong ban don tang ar ngut ki khun ka iahap bad kiwei ki jaid bynriew kiba la bun paidbah, hynrei bad ka jaidbynriew kam iahap satia, ka jaid bynriew ka dang dei ban kiew ha ka jingbun paid kumta u la kyntu ba dei ban kha katkum ka jingai u nongbuh nongthaw.U Bah Shylla ha kane ka dorbar mynta ka sngi u la pynbna ban ai khusnam ia kiba don khun palat 15 ngut.

Haba ha ka liang jong ki hima, u la ong ba mynta baroh ki hima kila don iala ki jong ki jong ki ain, sah satang katto katne tylli ia kiba ka KHADC kala pynkhreh ban wanrah noh ha poh iing dorbar ban pass iaki. U ong ba kane ka dorbar jong ka Hima Mylliem mynta ka sngi ka long ban pynim ia kaba la iap bad ki hima baroh ki dei ban pynlong ia ka dorbar hima.

Halor ka Lineage Bill, kaba la wanrah hapoh jong ka KHADC u la ong ba kila pan biang na ka sorkar ban pynbit pyniang kham bha ia ka. U la ong ba ka Garo Hills Autonomous District Council ka la dep pass ia ka Bill ban khang ia ki kynthei bad Shynrang Garo ban ioh briew da ki bym dei na ka jaid bynriew jong ki.

U la ong ba ka District Council ka  leh ia kane halor ka nongrim jong ka Riti Synshar jong ka Ri India katkum ka Article kaba 29(1) kaba la kren shai ba kano kano ka jaidbynriew hapoh jong ka Ri India kaba don ia la ka jong ka Riti Dustur ka don ia ka hok ban iada, dei halor kane ka nongrim ba ka KHADC kala wanrah ia kane ka Bill.

Ha kane ka jingialang u la ong ba dei ha ka 26th Kyllalyngkot 1950 ba ki Hima Khasi lyngba ka Constitution la rung sha ka Ri India bad ka Sixth Schedule ka long kaba khlain bor haduh katta katta ba ha ka 13th Iaiong 1951 la ot noh ia ka United Khasi Hills District da kaba phiah ia ka Block I bad Block II.

U Bah Shylla u la ong ba kane ka jingpynlong ia ka dorbar hima ka long ban kyrsiew ia ka mynsiem ieit jaidbynriew, u la ban biang ba ki hima baroh ki dei ban lum ia ka dorbar hima namar ka synshar paidbah ha u Khasi ka long da u paidbah ia u paidbah, ym ka synsahr paidbah kaba jieid ia ki nongmih khmat.

 

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet