Ha Meghalaya haduh mynta ym pat don ki ‘Trauma Centre’ ha Meghalaya: PAC

PAC MeetingShillong, Risaw 09: U Cahriman jong ka Public Account Committee (PAC) u bah Charles Pyngrope u la iathuh ba ka committee mynta ka sngi kala khot ia ki ar tylli ki tnad jong ka sorkar, ka tnad ka koit ka khiah bad kum juh ka tnad khlaw ban kylli tohkit na ki halor ka kaiphot kaba la ai da u CAG hapoh ka iing dorbar thawain jong ka jylla Meghalaya.

U bah Himalaya Shangpliang haba kren halor ka tnad ka koit ka khiah u la ong ba katkum ka kaiphot jong ka CAG  ka tnad ka koit ka khiah ha u snem 2010 kala thied ia ka kor ban sumar ia ki briew kiba ktah ia ki shyieng, hynrei ia kane ka mashim haduh mynta la shu buh hapoh Civil Hospital khlem pat pyndon kam.

Na ka liang jong ka tnad ka koit ka khiah kila pynpaw mynta ka sngi ka long ba ia kane ka mashim la don kam ban don hynrei ka jingeh kaba ym lah ban pyntrei kam ia ka ka long ba um don briew ban pyniaid ia kane ka mashin dei na kane ka daw bay m shym la lah ban pyntrei kam ia kane ka mashin kaba don hapoh katei ka Hospital.

Haba la kylli da ka PAC ba balei la don kam ia kane ka mashin, ka jingdon kam ka long ba ka sorkar ka kwah ban don ia ki ‘Trauma Centre’ ha ki lai tylli ki jaka, ka Civil Hospital Shillong, Civil Hospital Tura bad ha Nongpoh, hynrei haduh mynta ym pat lah ban pyntrei kam ia kine ki jaka ha kitei ki hospital sorkar.

La iathuh ba na ka liang jong ka tnad ka koit ka khiah la iathuh ba ka sorkar pdeng kala mang pisa ha u snem 2016 ban plie ia ki ‘Trauma Centre’ ha kitei ki lai tylli ki jaka hynrei haduh mynta ka jingpynkhreh ban khot tneder ka dei tang ia ka Tura, katba ia ka Shillong bad nongpoh ym pat leh ie ei. Na ka liang jong ka PAC kala bethah ia ka tnad ka koit ka khiah ba kan leh noh kloi ia kaba don kam.

Haba ia dei bad ka tnad khlaw, u Chairman jong ka PAC u bah Pyngrope u la ong ba katkum ka kaiphot jong ka CAG la ong ba ka don ka jinglait ka khajana kumba 100 klur ei ei namar ka jingbym siew jong ki briew. Halor kane ka PAC kala khot mynta ka sngi ia ki ophisar jong ka tnad khlaw ban tohkit na ki.

Ha kane ka jingtohkit la lap ba 348 tylli ki don ki karkhana otdieng beain ha ka jylla bad na kine 275 tylli la dep ban khang khyrdep bad na ka liang jong ka PAC kala bethah ba dei ban khang noh ia baroh ki karkhana ot dieng beain kiba don ha ka jylla baroh kawei. La ong ba ka PAC ka sngewkhia haduh katta katta ia ka jingktah ia ka mariang.

Haba ia dei bad ki karkhana tylliat dieng ban pynmih ia ki ‘Veneer’ na ka liang jong ka PAC kala bethah ia ka tnad khlaw ba kin dang bishar biang ia ki laisen kiba la dep ban ai bad lada long dei ban khang noh mar shiteng ban iada ia ka mariang namar kine ki karkhana ki bam shibun ki dieng, lane ban bethah ia ki ba kin pynduna noh a ka jingpynmih ‘veneer’.

 

What Next?

Recent Articles

Leave a Reply

Submit Comment

*