Shillong, Lber 27: U myntri rangbah ka jylla u Conrad K Sangma haba jubab ia ka jingkylli jong u bh Ardent M Basaiawmoit ia ka jingdon jong ki briew ha ka jylla kiba ioh ia ka jingiada, la ong ba ia mynta ki don 103 ngut.
U Myntri Rangbah la batai ba ha ka kyrdan Z+ ki don 2 ngut, ha ka kyrdan Z ki don 16 ngut, ha ka kyrdan Y+ ym don, ha ka kyrdan Y ki don 19 ngut bad ha ka kyrdan X ki don 72 ngut baroh kiba ioh ia ka jingiada ki don 103 ngut.
U myntri rangbah la ong ba na ka liang jong ka sorkar jylla kam shym don kano kano ka kyndon ia ki heh sorkar, hynrei kaei kaba ka sorkar jylla ka bud ka dei ia ka Yellow Book jong ka sorkar pdeng bala buh da ka tnad kam poh iing jong ka sorkar pdeng.
Halor kane u myntri rangbah ka jylla la ong ba ia kane ym lahb an iathuh paidbah namar ka rule kam shah, kaei kaba u la iathuh ka long tang ban ia tip paiddbah khyndiat, dei na kane ka daw ba la iathuh tang ia ka jingdon ki briew kiba ioh ia ka jingiada katkum ka ain.
U Bah Sniawbhlang Dhar symbut myntri rangbah ka jylla haba jubab ia ka jingkylli kaba la wanrah da u bah Ronnie V Lyngdoh halor ka jingpyndon kam ki briew ki bike kali da ki jingpynsawa palat pud la ong ba la pynshitom ia ki katkum ka ain, ha kine ki lai bnai la ioh ban dainkunar kumba 17 tylli ki bike bad kali.
