Shillong, Lber 19: ka jylla Meghalaya ka don lai tylli ki kad khaii bad ka Bangladesh kiba khlem pat pyntrei kam haduh mynta wat la ka tnad Custom jong ka sorkar pdeng kala dep ai ia ka jingithuh kum ki Land Custom Station.
Lai tylli ki jaka kiba khlem pat pyntrei kam ki long ka wei ha Garo Hills ka Kalaichar katba ha East Khasi Hills District ka dei ha Balat bad Ryngku, na ka liang jong ka sorkar pdeng kala buh ia ki ophisar ha kitei ki jaka hynrei kine ki kad khaii ki khlem trei kam.
Ki lai tylli ki kad khaii kiba khlem pat pyntrei kam wat la kila don na ka liang jong ka tnad Custom kala don ha ka map jong ka kaba la thoh da ki dak jyrngam ban pyni ba ki khlem pat pyntrei kam ia kine ki kad khaii.
Ki thymmei ki iathuh ba ka jingbym lah ban treikam kine ki jaka ka long ba kam shym la don ka jingshim khia na ka sorkar jylla namar ban ioh ban plie ia kine ki kad khaii don kam ban ia kren lang bad ki nongkhaii na Bangladesh.
