Shillong, Lber 06: ka Martin Luther Christian University, Shillong kala pynlong ia ka jingiamir jingmut halor ka phang, ka jingialong mar ryngkat khamtam ia ka hok jong ki kynthei na ka bynta ki samla pule jong kane ka skul bah ha ka sngi burom ia ki kynthei ha shityllup ka pyrthei ka ban long la shai ka sngi.
Ki nongkren ha kane ka sngi ki long ka samla Joy Syiem, State Director, North East Network, Meghalaya. Ha ka jingkren jong ka kala ong ba ka long kaba don kam ban ai burom shi sngi na ka bynta ki kynthei.
Ha ka juh ka por kala ong ba dei ban pynsngewthuh ba ki kam thombor ia ki kynthei kala dang kiew katba dang mih ki sngi, ka jingbam bein ia ki kynthei khynnah ka dang don wat la ha Meghalaya la niew ba ka dei ka jylla kaba shim jait na ka kmie.
Ia kane ka jingban bein ia ki kynthei la dei ban pynduh pyndam, kat kum ka jinglum jingtip jong ka NFHS ka paw ba ka jingdon jingem ha ka kyrteng jong ki kynthei ha kane ka jylla Meghalaya ka long tang 29.4% ha ka kyrteng jong ki.
Ka phang pdeng jong mynta u snem ban rakhe ia ka sngi burom jong ki kynthei ka long ban dawa ba baroh ki rangbah ki samla bad ki kynthei ki dei ban don ia ka juh ka bhah, nalor ki khynnah la don lang u ki nonghikai katei ka skul bah ha katei ka sngi.
