Shillong, Jylliew 24: U myntri rangbah ka jylla u Conrad K Sangma mynta ka sngi u la leit ban ia kynduh ia u myntri ka sorkar pdeng u Nitin Gadkari ba dei peit ia ki kam shna surok ha ka Ri bad la ai ha u ia ka dorkhas ha kaba ia dei bad ka jingdon kam ia ki surok ha kane ka jylla Meghalaya.
Ha kane ka sorkar kaba la ai sha u myntri ka tnad shna surok jong ka sorkar pdeng kala kdew shai ba ka jylla Meghalaya haduh mynta ka dang don 2354 tylli ki shnong kiba khlem pat don surok.
Ha kane ka dorkhas la thoh shai ba ki shnong kiba la ioh surok ki long tang 3672 tylli, la shim ia ka jingdon ki surok ha ka jylla ka dang long tang 10736.76 Km ha ka jylla baroh kawei bad lada shim ha man ka shispah kilometer, ka jingdon ki surok ka dang long tang 47.76 sq km.
Ha kane ka dorkhas u myntri rangbah ka jylla u la buh ruh ia ki skhim kiba thymmai kiba don kam na ka bynta ban pynheh ia ki kum ka surok na Umtyngar sha Sella, na Weiloi sha Balat, na Umsning sha Mawhati ban mih sha Assam ia kaba la tip kum ka Jagi Road bad kiwei kiwei dei ki surok.
U myntri rangbah u batai ruh ha kaba ia dei bad ki surok kiba la dep ban pyndep bad kiba dang pyntrei mynta ha ka jylla baroh kawei.Ha kane ka jingiakynduh na ka liang jong u myntri ka sorkar pdeng u la shah skhor ia ka jingkren u myntri rangbah ka sorkar jylla.
