Shillong, Risaw 10: Ka tnad ka koit ka khiah kala pyntip ba kiba la dep ban ai tika baroh ha Meghalaya kila kot sha ka 16,03,789 ngut haduh mynta ka sngi, kane ka jingkhein ka long ia baroh kiba la dep ban ai Tika.
Haba ai jingkhein ia kiba la 45 snem bad ia kiba la dap 18 snem shaneng, kiba la dep ban ai ia ka Tika kaba nyngkong ki don 10,81,198 ngut bad kiba la dep ban ai ia ka tika kaba ar sien ki don 5,22,591 ki don ngut baroh kila kot sha ka 16,03,789 ngut.
Na ka liang ka tnad ka koit ka khiah ka dang iai bteng ia kane ka jingai tika sha ki paidbah kiba la 45 snem bad kiba la 18 snem ha ki jaka bapher bapher kiba ka tnad ka koi ka khiah kala buh ban ai ia ka Tika ban iada na kane ka jingpang COVID-19.
