Shillong, Jymmang 19: ka ophis jong ka PIB kala ong ba u wei u briew na Aizawl u la buh kawei ka khubor thok ha Facebook ha ka 15 tarik mynta u bnai shaphang ba don uwei u briew ba ioh ia ka Covid-19 uba sah ha Khatla North Quarantine Centre ha Aizawl.
Kane ka khubor ba u lah buh ka ong – “Mynta ka don kawei ka case postive ha Khatla North Quarantine Centre. Kin don sa katno na ki 10,000 ki Mizo kiba wanphai dang shen na shabar ka Jylla.
To ngin kyrmen ba ka sorkar jong ngi kan pynbeit shen ia ki jingpynbna ba donkam.” Ia kane la jingthoh ha Facebook lah screenshot bad lah pynsaphriang kylleng ha ki Whatsapp group bapher bapher.
Ka PIB Fact Check- Kam don kano kano ka case positive ha Mizoram haduh mynta. Lah ujor FIR ha kaba iadei bad kane ka jingthoh ha Aizawl Police Station. Ki pulit ki lah register case pyrshah ia u nongshna ia kane ka khubor bad ki lah ioh kem ia u hynnin ka sngi.
Ka PIB Aizawl bad PIB Guwahati ruh ki la peitngor sani bha ia ki jingshisha jong kane ka khubor thok bad ki lah pynmih jingpynshai halor kane ha ka Twitter jong ki.
