Shillong, Jymmang 11: Ki pulit na ka tnad Special Force-10 jong ka jylla Meghalaya ia kiba la tip kum ka kynhun SF-10 mynta ka snem kila shim ia ka jingsmai jong ki ha dien ba kila pyndep ia ka jinghikai ba kyrpang hapoh ka jylla Nagaland.
U myntri kam poh iing ka jylla Meghalaya u James K Sangma u la ong ba kam long kaba phylla ia kano kano ka jylla ban phah ia ki samla kiba la shah jied ha kano kano ka kynhun kaba kyrpang ba kin leit sha hikai kyrpang ha kiwei ki jylla.
U la iathuh bas hi bynta jong ka kynhun SF-10 ha u snem ba la dep la phah ia ki ba kin leit sha hikai kyrpang ha kane ka kam hapoh jong ka jylla Nagaland bad ia ka jingsmai jong ki la pynlong ha ka sngi Thohdieng ha katei ka jylla ia ki pulit jong ka jylla Meghalaya bad kiwei ki ba dei na kiwei ki jylla.
Na ka liang jong u myntri kam poh iing u la ong ba u dap da ka jingsngew kmen ban iohi ba baroh kiba la phah ban shah hikai kyrpang ha kane ka kynhun SF-10 hapoh jong ka jylla Nagaland kila pyndep ia ka jingshah hikai hapoh katei ka jylla.
