Ha North East la don kam ban don ia ka iing shah kai u President ka Ri India: Conrad

Shillong, Rymphang 26: U Myntri Rangbah ka jylla u Conrad K Sangma haba kren ha ka jingialang jong ki ADC bad ki Panchayats kaba la long ha Shillong ia kaba la khot da ka parliament, la pynpaw ba la don kam ban don ia ka iing sah kai u President ka Ri India ha North East.

La ong kumba ka long mynta ka don tang ha Hyderabad bad Masuria bad lada kan don ka jaka sah kai jong u President ha North East kan long ka jingsarong ia kane ka dong bad ka thai shatei lam mih ngi jong ka Ri India, la da buh ha kano kano ka bynta jong ka NE ruh kan biang.

Haba kren ia ka jingtrei kam jong ki District Council ha kane ka jylla Meghalaya, u myntri Rangbah ka jylla u la ong ba kila tei la ka bynta ban iada ia ka jinglong tynrai ki riew lum ha kane ka jylla wat ha pdeng ki jingeh.

La ong ba ki Panchayats bad Municipal ki ioh ia ka jingbei tyngka na ka sorkar pdeng katba ki ADC pat kim ioh kane ka dei ka jingeh kaba ki ia kynduh, la ong ba mynta ka jingthmu ban wanrah ia ka jingkylla ha ka Sixth Schedule ka don ha kti jong ka sorkar pdeng lada pynioh ia ka Article 280 sha ki ADC kan long ka jingiarap kaba khraw.

Ban teh la kam ia ka jingphet seng ki MDC ha ki District Council u Myntri Rangbah ka jylla u la ong ba lada don kam ia ka Ten Schedule ban  pyntung ha ka Sixth Schedule ban lait ia ka jingiaphet seng bad ban ioh ia ka jingsynshar kaba neh.

What Next?

Recent Articles

Leave a Reply

Submit Comment

*