Ha phyllaw Raj Bhavan bam smai u Conrad kum u myntri rangbah bad ka kynhun myntri

Shillong, Lber 06: Ha phyllaw Raj Bhavan u Lat jong ka jylla u Ganga Prasad u la pynbam smai mynta ka sngi ia u Conrad K Sangma kum u myntri rangbah ba khat ar jong ka jylla Meghalaya lem bad ka kynhun myntri kaba kynthup ia ki san tylli ki seng sain pyrthei.

Na ka seng NPP, nalor u myntri rangbah, kiba la ioh ban rung ha ka kynhun myntri ki long u bah Prestone Tynsong, Bah Sniawbhlang Dkhar, u James K Sangma bad u bah Comingone Ymbon.

Katba na ka seng UDP, kiba la ioh ban rung ha ka kynhun myntri ki long u bah Metbah Lyngdoh, u bah Lakmen Rymbui  bad u bah Kyrmen Shylla. Na ka seng HSPDP la ioh rung u bah Samlin Malngiang, katba na ka BJP la ioh rung u bah Alexander Laloo Hek.Na ka seng PDF la ioh rung ha ka kynhun myntri u bah Banteidor Lyngdoh bad u bah Hamlet Dohling.

Ha kane ka sngi ki nongialam seng sain pyrthei kiba la ia poi ban sakhi ia kane ka sngi, ki long u Amit Shah national president jong ka seng BJP, u Union Home Minister u Rajnath Singh, u Chief Minister ka jylla Assam, Jylla Arunachal Pradesh bad jong ka jylla Manipur.

Katba na ka jylla Meghalaya na ka seng Congress kiba la ia poi sha kane ka seng ki long u Dr Mukul Sangma myntri rangbah ba rim ka jylla, u Dr DD Lapang, bad ki MLA, na ka UDP u president ka seng u Dr Donkupar Roy, u President ka NCP u Saleng A Sangma bad bun kiwei kiwei de.

Ha kane ka sngi da ki hajar ngut ki paidbah nongkyrshan jong ki party bapher bapher kila wan ban ia sakhi lang ia kane ka sngi ba kane ka sorkar thymmai ka Meghalaya Regional Democratic Alliance (MRDA) kala shimti ia ka bor synshar ha kane ka jylla Meghalaya.

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet