Ha Ri Belgium la pynkyntang sohblei ia u Rev Simon E Nongrum na ka seng niam salesian

Rev Simon Edward NongrumShillong, Naitung 03: Ka Parsih Mawpat kala sei ia u wei u sohblei bad u la ong u soh ba nyngkong  na kane ka parish ban long u Lyngdoh na ka seng niam salesian la pynkyntang lyngdoh ia u Rev Simon Edward Nongrum ha ka 24th Jylliew 2017 ha Belgium ka dewbah jong ka Ri Europe.

Ha dien ba la dep ban pynkyntang lyngdoh u la wan sha la shnong  ha Mawlong ha kaba kala don ka jingpyndonburom ha ka 2 tarik mynta u bnai bad ban ai ia ka jingknia mass kaba nyngkong hala ka jong ka Parish bad ha la ka jong ka shnong.  U Sohblei Simon u dei u khun jong u Bah Gedean Nongspung bad jong ka kong Merina Nongrum.

Une u sohblei u la leit ban sdang ia ka jingpule jong u hapoh ka skul St. Peter  Secondary School  Mawpat ha u snem  1996 haduh  2000,  u la wan biang ha    St. Joseph Secondary School Pynthorumkhrah,  ban pyndep  haduh klass  VII bad Savio Juniorate  Mawlai  naduh u 2001 haduh 2004  ban pyndep ia ka matrik bad rung riew niam ha Sunny Side  Sawmer Shiteng  Naduh u snem 2004 haduh u snem 2006.

U la pyndep ia ka klass 11 bad 12 na Bosco Mount Rongkhon Tura;  ia ka philosophy  bad ka B.A  u la pyndep na Vishwa Joythi Don Bosco  College  Warangal Andhra Pradesh  naduh u Snem 2006- 2010. Ha ka jinglongriew  kum u riewniam Don Bosco u la don  jingthrang ban  long mishonari  hadien ka jingshim smai u la jied ban leit  pule lyngdoh  sha Belgium  ha ka Province North Belgium, Amsterdam Province.

Na ka liang jong  kiba halor ki la ibit ia u ban leit kumta u la mih na Ri India  ha u snem 2013 haduh 2017 ban pyndep ia ka Theology  ha Theologium Johaness 23 Semenarie Leuven- Belgium. Haba  u la poi ha katei ka ri  u la leit pule  ia ka ktien  Dutch. Ha ki 6 snem ba la jah na la ka ri  u la shah pynkyntang Dikon  ha ka 29 tarik u bnai Risaw  2016 ha Belgium hi hadien ba ki ba halor ka Province   Amsterdam Province ki la iohi ba la I baing nadong  Shadong  ki la ai ti sha ka Jylla Niam Ghent  Belgium  ban kyntang lyngdoh sohblei  syndon da u Bishop Lucas  Van Looy SDB myn ha ka 24 tarik u bnai Jylliew.

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet