Shillong, Naitung 11: Ka seng KSu seng kmie mynta ka sngi kala pynlong ia ka jingialang paidbah hapoh jong ka shnong Umrynjah East KHasi Hills District ban pynshai paidbah ha kaba ia dei bad ka Lynti Rel kaba ka sorkar ka kwah ban wanrah hapoh kine ki lum khasi.
Ka phang kaba ki nongialam jong ka seng KSU kila kren ha kane ka sngi, ka long ban kyntu ia ki paidbah ba kin nym die satia ia ki jaka jong ki na ka bynta ban shna ia ka lynti rel bad ha kane ka jingialang la pynsngewthuh ruh ia ki jingma ki ban wantap lada ka wan ka lynti rel khlem da biang ki lad jingiada ia ka jaid bynriew rit paid.
Ha kane ka sngi kiba la kren na ka liang jong ki nongialam jong ka seng ki long u President ka seng kmie u samla Lambokstarwell Marngar, bad kiwei kiwei ki dkhot jong ka seng na ka seng kmie kiba la ia don lang ha kane ka sngi. Ha kane ka sngi la sam paidbah ruh ia ka kot lyngkdop kaba ka seng kala thoh ban pynsngewthuh ia ki paidbah ha kaba ia dei bad ka nongrim ba ka seng ka pyrshah ia ka lynti rel.
Ha kane ka sngi na ka liang jong ka KSU lyngba ka kot lyngkdot kaba la sam, na ka liang jong ka seng kala kren shai ba kam dei kata kata nongpynthud ia ka roi ka par kumba la kynnoh pyrshah ia ka, hynrei ki don ki bynta kiba yn nym lah ban pdiang lut katba wan na Delhi ne na secretariat jong ka jylla Meghalaya lada kita ki kam pynroi ki ktah ia ka jinglong trai, ka ka jaid bynriew ka wan ha khmat eh.
Ha kane jingialang paidbah mynta ka sngi na ka liang ki nongialam jong ka seng KSU ki kyntu ia ki paidbah ba kin ai kati kamon ka kti k diang jong ki ha kane ka jingialeh bad la kyntu ia ki samla ba kin wan sha khmat ban ia khun pyrshah ia kane ka jingthmu ban shna lynti rel ha kane ka Ri Khasi.
