Shillong, Naitung 01: Kum shi bynta ban pynshlur iaki khynnah ka ” Shnong Mawnai “ban trei shitom bad Minot haki jing pule, Ka Dorbar Shnong Mawnai Pyllun haka Kala pylong iaka jingai khusnam iaki khynnah Pule ha phyllaw ka Jidor Sing Secondary School Mawnai, ia kiba Pass bha haka Exam ” Class X bad Class XII ” kiba dei ki khynnah Pule kane ka ksul napoh ka Shnong Mawnai bad ia kiba pule ha kiwei ki college kiba dei na kane ka shnong.
U Bah Metbah Lyngdoh MLA jong kane ka jaka u bala shah khot kum u kongsan ha katei ka sngi haka jngdon ryngkat lang u SDSEO Mairang Civil Sub-Division Mairang, u Circle Inspector Mairang Police , u K.S Rani President HNYF bad kiwei kiwei ki riew Rangbah, ki long kmie jong ka Shnong , ki Nonghikai bad ki Khynnah Skul ka Jidor Sing Memorial, Naka Presbyterian U.P English Skul ,naka Mawkhap U.P Skul lem bad kiwei ki Skul naka thain Mawnai.
Kane ka dei ka sienjam kaba nyngkong eh ba ka Shnong Mawnai Kala leh iakane ka ” First Education Award” ka jingthmu jong ka ban pynlong ia Kane ka Program ka long ban ai mynsiem iaki to ki Khynnah ba Wan Sha Khmat ha ki Exam bad ban ai Mynsiem bad pyn Shlur ruh iaki khynnah Pule napoh ka shnong Mawnai bad khamtam ban ai Mynsiem shuh shuh iaki khynnah kiba pass bha bad iohpdiang ia ki Award ba kin nangtrei shitom bad Minot ban Kiew kham shajrong haka Jingpule.
Ki samla pule kiba la shah pynkup burom ha ka shnong ki long ka samla Ibanylla Lyngdoh klas X na ” Jidor Sing Memorial Sec School Mawnai ” ba ioh – 79%, ka samla Erica Queneth Syiem klas XII (Science) na “Mairang Presbyterian Science College Sangshong”.ba ioh – 75%, u samla Badonjingmut Wahlang klas XII Science na”Mairang Presbyterian Science College Sangshong”. ba ioh – 75%. Kine baroh Lai ngut kidei napoh ka ‘ Shnong Mawnai Pyllun.
Ia Kane ka program haka ne ka sngi la pyniaid da u Sordar Shnong Mawnai Bah.Syndar Marbaniang, la ioh ruh ban ai Jing kren hakane Program na u bah K.S. Rani President ka HNYF uba dei ruh u, u Babu N. P. Syiem Headmaster ka Skul Jidor Sing Memorial UP School , Bah Lamare SDSEO Mairang Civil Sub Division ,u bah Lyngdoh Circle Inspector Mairang police, Civil Sub-Division bad na u Kong San Bah Metbah Lyngdoh MLA Mairang.
Ha kane ka sngi , ha ka jingkren jong u Bah Metbah u la kyntu ia ki ba kin nang trei Shitom bad kumjuh ia baroh ki khynnah pule jong ki Skul baia Don Lang haka tei ka sngi bd ai jing iaroh ruh iaka Dorbar Shnong Mawnai baka shim ïakane sien jam bha eh bad kyntu bakan nang iaid shaphang ban ai ia kum kine ki award ha ki Snem ki ban wan.
