Ha snem 2020 kiba pyndon kam internet ha India kin kot sha ka 730 million:Manoj Sinha

New Delhi Lber 27: Ka sorkar pdeng kala ong ba namar ka jingkiew sted ha ka jingpyndon kam ia ka Internet, la khein antad ba haduh u snem 2020 kiba don pyndon kam internet kin kynjoh sha ka 730 million ngut ki briew ha kane ka Ri India.

Ia kane la pyntip da u myntri ba dei peit ia ka lad phah jingtip u Manoj Sinha, da ka jingthoh hapoh iing dorbar Rajya Sabha mynta ka sngi katkum ka jingai jingtip jong ka  Telecom Regulatory Authority of India (TRAI), bad haduh 31.12.2016 kiba pyndon kam internet hapoh jong ka Ri kila la don 391.50 million.

Ka National Telecom Policy-2012, kala  pruid dak ba kan lah ban pynpoi haduh  600 million broadband sha ki briew kiba pyndon kam ha u snem  2020 bad ka jingsted ban leh ei ie kan long haduh  2 Mbps. Katkum ka  National Association of Software & Services Companies (NASSCOM)  bad katkum ka kaiphot kaba la pynmih ha ka Akamai jong ka  17.08.2016, halor ka jingpyndon kam ia ka Internet ha Ri India ha ki snem ban dang wan la kdew shai ba kan kot sha ka  730 million shuwa ban kut jong u snem  2020.

Ka sorkar ka la dep ban pynlait haduh 965 Megahertz spectrum, ha u bnai Risaw jong u snem 2016 ha baroh ki kompeni kiba trei ia kane ka kam bad da kane kala pynlong ia ki kompeni ba ki lah ban leh ia ka 3G bad 4G ban sted ka Internet.

Na ka bynta jong ki nongkyndong la bhah kyrpang lyngba jong ka BharatNet project bad la pyntrei mynta ha kaba ka speed jong ka kan long 100 Mbps broadband ha baroh ki shnong ki ha kane ka ri bad ia mynta ki ban ioh ki long haduh     ki shnong ki thaw bad ka jingtrei na ka bynta ban pynpoi ia ki cable ka dang iaid badyn ialeh ruh ban pynioh lyngba ki Radio bad ki  satellite media.

 

 

 

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet