Mawkyrwat, Nailar 10: Mynta ka sngi u Dr Mukul Sangma u la leit sha Ranikor ban plie ia ka Ranikor Administrative Unit, ha kane ka sngi ki dkhot jong ka seng KSU kila lah ia ki lama kiba don ia ki jingthoh ha kaba kila thoh ba ki kwah ban ioh ia ka Ranikor Civil Sub Division, ym ia ka Administrative Unit.
Ha kane ka sngi na ka liang jong u President jong ka KSU Ranikor Circle u Marconi Thongni u la ia kren ba dki pulit kiba la pyrshang ban khanglad ia kane ka jingrah lama jong ki ha kaba la ia mih lang kynthei bad khynnah ban dawa ia ka Civil Sub Division.
Katba na ka liang jong ka HYC ruh kila rah ia ki lama iong ban dawa ia ki 14 tylli ki mat jingdawa jong ka seng kham tam eh ia ka Inner Line Permit kaba ka seng kala dawa na ka sorkar ba ka dei ban pyntrei kam noh. Ki dkhot jong ka HYC kila rah ia ki lam iong ha station Ranikor ha lynti ba u Dr Mulul u leit ban plie ia ka Ranikor Adminstrative Unit.
Baroh ar tylli kine ki seng, kila rah ia ki lama jong ki ha Station Ranikor ban pyni sha u Dr Mukul ia ka jingkwah Civil Sub Division, ha lynti ba un leit sha jaka ban plie ia ka Ranikor Adminstrative Unit hapoh Ranikor Block.
