Ha Tura pynlong jingialang paidbah ka MUGH ban pyrshah ia ki kam leh beijot ia ki kynthei khynnah

Mother Union TuraShillong, Iaiong 25: Ka seng ki long kmie ha Garo Hills ia kaba la tip kum ka “Mother Union of Garo Hills” mynta ka sngi kala pynlong ia ka jingialang paidbah ha madan Chandmary ha Tura ban pynpaw ia ka jingpyrshah halor ka jingshah leh beijot jong ki kyntyhei khynnah kaba la jyllei ha kine ki sngi ha Garo Hills.

Na ka liang jong ka MUGH kala phah ruh ia ka dorkhas sha u myntri rangbah duh ka jylla u Conrad K Sangma, u myntri kam poh iing ka jylla u James K Sangma bad sha u mytnri ka koit ka khiah u Bah AL Hek bad ia kane ka dorkhas la phah ruh sha baroh ki Deputy Commissioner bad Superintendent ki pulit jong baron san tylli ki District ha Garo Hills.

Ha ka dorkhas kaba la phah mynta ka sngi, na ka liang jong ka MUGH kala kdew ba tang hapoh ar taiew hynniew tylli ki jingshah leh beijot jong ki kynthei khynnah ha Garo Hills kila jia. Na ka liang jong ka MUGH ka don ka jingkyrmen ba lada ka sorkar ka don ia ka mon ban leh ka lah ban tehlakam ia kine ki jingsniew. Kumba ka long ki nongleh kam poh jait ki leh donbor.

Ka MUGH ka ong ba ka sorkar ka dei ban pyntrei kam thikna ia baroh ki ain kiba la don ban the lakam ia kine ki kam jaboh jabain. Ka sorkar ka dei ban pynkhlain ia ka tnad pulit jong ki kynthei bad ia ki jingtoh dei ban dei leh katkum ka juk stad kaba mynta khnang ba kiba ngat ha ka jingeh kin ioh ia ka jingbishar kaba hok.

 

Haba ia dei bad ki doctor kiba dang shu thung kam shen ka sorkar ka dei ban hikai ia ki kumno ban leh ha kaba ia dei bad kine ki kam khnang ba ynda la poi sha iing bishar kin nym shah rem ha ki mukotduma na ka jingbakla jong ki doctor. Ka sorkar ka dei ban buh ia ki iing bishar kyrpang ha baroh ki District.

Ha ka dorkhas kaba la ai mynta ka sngi ka MUGH kala kyntu ia ka sorkar ba kan pynlong ia ki jingai jinghikai paidbah kynthei bad shynrang ban sngewthuh ia kane ka jingiadei ban lait na ka jingshah leh bor. Na ka liang jong ka MUGH ka don ka jingkymrmen ba ka sorkar kan sa leh ia kaba don kam ban pyntrei kam ia ki ain ban pynshitom ia ki nongleh kam sniew.

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet