Ha u bnai Jylliew kin ia kynduh u MR ka Meghalaya bad Assam ban ia kren kam pud

Shillong, Jymmang 19: U symbut myntri rangbah ka jylla u Bah Prestone Tynsong u la ong ha kine ki khyndait sngi ba ha u bnai Kylliew kan dang ka jingiakynduh jong u myntri rangbah ka jylla Meghalaya u Conrad K Sangma bad u Sarbananda Sonowal myntri rangbah ka jylla Assam ban ia kren kam pud kam sam.

Halor kane ka jingong jong u Bah Prestone ba ki myntri rangbah jong ka ki ar tylli ki jylla kin ia kynduh ha dien ba la dep ka jingniew vote MP ha ka Ri India, ka jingiakren kan long ha u bnai jylliew katba ia ka tarik kim pat ia pynbeit tang kan long ha u bnai ban wan la kren pynthikna u symbut myntri rangbah.

Halor kane ka kam pud kam san kaba la sah teng kaba khlem pat lah ban pynbeit naduh ba ka jylla Meghalaya kala ioh ia la ka jong ka jylla kala iaid na kawei ka sorkar sha kawei pat bad na ka liang jong ka sorkar u Dr Mukul Sangma kala ai ruh ia ki jingthoh ban kam ia ki jaka kiba hap hapoh ka jylla Meghalaya.

Na ka liang jong ki paidbah kane ka jylla ki ap khmih lynti ia kane ka jingiakren kan long kaba kumno ne kan shu lang tang ka jingiadih sha kumba long ha ki por ba la leit ha kaba bun sien ka jingiakynduh hapdeng ki ar tylli ki jylla kam shym poi haei haei haduh kine ki sngi. Ki paidbah  ki angnud ba ia kane ka jingeh ha kaba ia dei bad u pud u sam ba dei ban pynbeit noh.

 

What Next?

Recent Articles

Leave a Reply

Submit Comment

*