Ha u Nailar ka KSU Photjaud kan pynkup burom ia ki samla ba pass bha ha ki eksamin

Shillong, Nailur 15: Ka KSU Photjaud Rangthong Unit kaba dei ka shnat treikam hapoh ka South West Khasi Hills District kan sa pynlong iaka “3rd Maitshaphrang Academic Award 2020 ” ne ka jingpynkup burom iaki samla ba pass bha haki eksamin jongka Class X bad Class XII mynta u snem haka 31st Nailar 2020.

Ka jingpynkupburom ia kine ki samla ka long ban pynshlur iaki samla pule ba ki dei ban nang iai trei shitom haki jingpule jongki khnang ba kan long ka burom iaka ing ka sem , ka Shnong ka thaw bad iaka Ri ka Jaitbynriew.

Ka Seng lyngba kane ka kyrwoh namarkata ka kyrpad iaki samla ba dei naka Shnong Photjaud Rangthong, Mawthanrew Mawlangngad bad na Shnong Mawmerang kiba kynjoh iaka 60% haka Secondary School Leaving Certificate ( SSLC) ne haka Higher Secondary School Leaving Certificate ( HSSLC) ba ki dei ban phah iaki kot ki sla ne pyntip shaki dkhot bad ki Nongialam Unit .

Ha kajuh ka por, ka Seng ka kyrpad iaki samla ba ioh distinction haka Khasi ba kin pyntip lang kumjuh sha ka seng. Ka tarik ba khatduh ban pdiang kan long haka 25 tarik, October, 2020 . Kane ka dei ka kyrwoh khubor na u samla Shiningstar Lyngdoh, General Secretary, KSU Photjaud Rangthong Unit.

What Next?

Recent Articles

Leave a Reply

Submit Comment

*