Ha u speaker ai u Bah Pynshngianlang ia ka shithi hiar shuki kum u MLA ka Mawsynram

PN SyiemShillong, Nohprah 15: U Bah Pynshngianlang Syiem mynta ka sngi u la leit ban ai ia ka shithi hiar shuki kum u MLA jong ka 25-Mawsynram Constituency kaba u la mih khmat ar sien ia katei ka jaka na ka party Congress. Ia kane ka shithi hiar shuki ka jong u la ai mynta ka sngi ha u Speaker jong ka iing dorbar ha ophis trei kam jong u Speaker u AT Mondal.

Ha ka shithi hiar shuki na ka liang jong u Bah Pynshngianlang u la thoh ba u la ai ia kane ka shithi sha u Speaker ka iing dorbar thawain ka jylla ha kaba u la hiar shukinoh naduh mynta ka sngi ka 15th December 2017.

Da kane ka jinghiar shuki jong u Bah Pynshngianlang, u la ong shai ba yn leit ban pyniasoh noh ia lade bad ka seng People Democratic Front (PDF) ha ka jingialang paidbah kaba la pynbeit ban pynlong ha Polo ha ka 19 tarik mynta u bnai.

U Bah PN Syiem u la jop ia ka MLA na ka Mawsynram Constituency nyngkong ha u snem 2008 bad u la jop biang na kane ka juh ka jaka ha u snem 2013 na ka seng Congress, hynrei mynta u la hiar shuki noh kum u MLA ban leit sha ka Party PDF.

Naduh mynta ka sngi ka Mawsynram Constituency kan don MLA shuh tang haduh ba kan da dep ka Election MLA ka ban long ha u bnai Rymphang 2018. Ha ka juh ka por u bah Pynshngianlang u dang long u MDC jong ka Mawsynram bad u ba dei ruh u CEM jong ka KHADC.

What Next?

Recent Articles

Leave a Reply

Submit Comment
*