Shillong, Iaiong 05: Mynta ka sngi u shongknor jong ka MeECL u la pynmih ia ka jingpyntip paidbah ba ka MePDCL kan sdang noh ban ot noh ia ka jingot light ia baroh kiba khlem pat siew ia ka bai light, ia kane ka jingot kin sdang naduh ka 16 tarik mynta u bnai.
Ka MePDCL kala dep ban pynbna ban siew ia ka bai light da kaba ai ia ka skhim “One Time Settlement” kaba mut ban ia pynbeit shisien siew kane ka long ia baroh kiba ring ia ka light, kane ka jingtyrwa ka long ban ioh ia ka bailight kaba sah bad kane ka skhim ka kut ha ka 31st Lber 2021.
Na ka liang jong u shongknor ka MeECL u la pyntip ba kane ka dei ka jingpynbna paidbah ba katkum ki kyndon jong ka MSERC (Electricity Supply Code) Regulations, 2018 la bthah ia baroh kito kiba khlem pat siew ia ka bai light ka MePDCL kan sdang noh ia ka jingot light naduh ka 16th Iaiong 2021, hapoh ka kyndon 56 jong ka Electricity Act, 2003.
Kane ka jingot light kan long ia baroh kiba la pynsah bai light bad kane ka jingpyntip paidbah ka long na ka bynta ka jingtip lang jong baroh kum ka jingpynbna kyllum ia baroh bad ia ki kyrteng jong kito kiba khlem siew la buh ha ka website jong ka MeECL.
