Ha u taiew ban wan yn lumlang ia ka sur ka Ri Khasi ban dawa ia ka hok: Donboklang

Shillong, Nailur 07: Ban dawa na ka sorkar ba ka dei ban wengkam shipor ia ki pulit kiba la suba don kti ha kaba siat ia u bah Cheristerfield Tahngkhiew ka ‘Sur ki Nong Malki” mynta ka sngi kila pynlong ia ka jingiaid paidbah ia kaba kila ai kyrteng “Sur Ehrngiew ki Nong Malki”.

Kane ka jingdawa ban weng kam shipor ia ki pulit kiba la don kti ha kaba siat iap u bah Cheris ka long ban pynthikna ba kum kane ka jingjia kan nym jia shuh ha dien ha bud na ka liang ka Sur ki Nong Mawlai kan sa dang pynkhlain shuh shuh ia kane ka jingdawa ha nongbah Shillong.

Haba kren ha ki lat pathai khubor u bah Donboklang Kharlyngdoh ba dei dkhot jong ka Sur ki Nong Mawlai la ong ba kane ka sorkar MDA kaba la ialam da u Cornad ka dang pyneh ia kane ka jingdawa bad ka  Sur ki Nong Mawlai ha kane ka taiew ban wan kin long ia ka sur Bri-Hynniewtrep ha nongbah Shillong.

La ong ba mynta ka sngi naka liang ki sur ki nong Mawlai ki la wan ban ai mynsiem bad ban ia snoh kti lang bad ka Sur Ehrngiew ki Nong Malki namar ba kane ka rally ka ba la pynlong da ki nongMalki ka dei ban kyrshan lang ia ka Sur ki Nong Mawlai ban pynrem jur halor ka jingbthah jubor jong ki pulit ia ka jingim u bah Cheristerfield Thangkhiew ha ka 13 tarik u Nailur.

Haba ia dei bad ka jingshah siat iap jong u bah Cheris kala don ka jingiakhih ha kylleng ki bynta jong ka Ri Khasi namar kane ka jingjia ha Mawlai ka de ka jingjia kaba ym lah ban pdiang.

 

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet