Shillong, Iaiong 20: Ka jingwan kyrthep ka eriong ha ka 14 tarik mynta u bnai kaba la pynjot ia ki ba bun bah ki shnong kiba hap hapoh ki ar tylli ki Block ha Bhoirymbong bad Umsning Block ha Ri Bhoi District kam shym la rat tang ia ki iing hynrei ki dieng post eletrik ruh.
Katkum ki jingtip kiba la ioh la ong ba ka thain Mawhati baroh kawei kam shym la ioh ia ka ding eleltrik namar ka jingshah rat ki dieng post eletrik ha ki thain Umsning namar ka line ka iaid na katei ka jaka ban poi sha katei ka thain Mawhati bad kiwei ki shnong.
Haba ia dei bad kane na ka liang jong u Block Development Officer jong ka Umsning Blocl la ong ba ka MeECL kam pat lah ban maramot ban thung biang ia ki ksainar eletrik la ong ba wat hapoh ophis jong ka blok ruh kam ioh ioh ding eleltrik haduh mytna ka sngi.
La iathuh ba dang don bun tylli ki shnong kiba dang hap ban shong dum namar ba ka MeECL kam pat lah ban maramot ban thung ia ki dieng eleltrik kiba la shah rat ha katei ka jingwan ka eriong kaba la wanrah ia ka jingduh kaba khraw.
