Shillong, Naiwieng 07: Ka ophis jong u Director General jong ki pulit kala pynlong ia ka jingai jinghikai ha kaba ia dei bad ka hok wad jingtip ia kaba la tip kum ka Right ot Information Act, 2005 bad katkum ki rule kiba la shna ha u snem 2012.
Ha ka jingia jinghikai, la ia wan ban ia shim bynta da ki shnat pulit bapher bapher na kylleng ka jylla bad kum juh ki ophisar. Ha ka jingkren jong u DGP, u SB Singh u la kren halor ka jingdon kam jong ka hok ban tip bad u la kyntu ia ki ophisar kiba dei peit ba kin ai ia ka jingtip ka dei sha kiba pan jingtip ha poh jong ka por ba la buh.
Ka kong NG Shylla ka muktiar jong ka Meghalaya High Court, u Bah W Nongsiej Secretary jong ka State Information Commission, kynthup ia u Additional DGP u B. R. Rana, u IGP Baqh H. Nongpluh, AIGP u Bah G. K. Iangrai, bad bah L . Syiem, Principal, PTS, ki long ki nongpynshai ha katei ka jingai jinghikai ha kaba ia dei bad ka RTI Act, 2005.
