Haba ia dei bad ka ‘Gram Sabha’ ki dorbar shnong ki ai ka jingshaniah ha ka District Council

Shillong, Nohprah 21: U bah Latiplang Kharkongor Executive Member jong ka KHADC, u la iathuh ba wat la ia ka jingialang bad ki rangbah shnong halor ka ‘Gram Sabha’ ym shym la lah ban pynlong ia ka jingialang kumba ka dei ban long, hynrei palat ia ka 50 ngut ki ki rangbah shnong kila ia poi mynta ka sngi ha kane ka jingialang.

La aithuh ruh ba na ka liang jong ki synjuk bad bun ki shnong kila pynpaw, ha kaba ia dei bad ka ‘Gram Sabha’ ki dorbar shnong ki shaniah ha ka District Council. U la la tip lang u la ong ba ka jingbym lah ban poi ki rangbah shnong ka dei namar ka jingpyntip kala thmit palat bad ha ka juh ka por ka dei ruh ka por pynkhreh khrsitmas.

U Bah Latiplang u la ong ba na ka liang jong ka KHADC mynta kan pan jingpynshai shuwa na ka sorkar bad ha dien bala ia shai bad ka sorkar ka KHADC kan sa shim ia ka rai ha kaba ia dei bad kane ka ‘Gram Sabha’. Lada kam wan na ka sorkar lada dei ban iaid sha iing bishar ruh ki hap ban leh namar kane ka wan biet ha ka ministry Panchayati.

Ka Panchayati ray kam don lynti ban wan sha kane ka jylla namar ka long pyrshah ia ka riti synshar jong ka Ri India. Lada ka long ha kane ka rukom ka ministry Panchayati Ray ka wan ban pyntrei kam ia kane ka ‘Gram Sabha’  na lyndet. La ong ba ka sorkar pdeng ka kwah ban wan rah lut ia baroh ki ain jong ka sorkar pdeng, hynrei ka jingdon ki dorbar shnong ka long ka jingthut bad ka jingkhang lynti.

Haba ia dei bad ki kam pynroi na ka liang jong ka KHADC kam don kano kano ka jingpynrshah, u la ai nuksa kum ka IAY, NERGS namar kine ki dei ki skhim jong ka sorkar pdeng kane ka long ban iarap ia kiba duk, kane ka long ba ka sorkar pdeng ka kwah ba baroh ki dei ban don ia ka iing ka sem kin ioh ka bylla ka sngi.

Hynrei kane ka skhim ‘Gram Sabha’ ka wan ban ithuh ia ki dorbar shnong ban thaw ia ki kommittee da kaba pynlong ia ka ilekshon hapoh shnong ha kaba baroh ki nongshong shnong kiba la dap 18 snem ki lah ban thep vote ban jied ia ki nongkit kam shnong. Lada ka long ha kane ka rukom ka jingkylli u ei u ta u rangbah shnong.

Katkum kane ka ‘Gram Sabha’ ia ka ilekshon ruh yn pyniaid da u Deputy Commissioner haba baroh ki nongshong shnong ki lah ban jied ia ki nongkit kam hapoh kata ka  committee. Na ka liang jong ka District Council kala ai kotpi sha ki rangbah shnong ba kin ia kren hapoh ki dorbar shnong.

 

 

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet