Shillong, Nailar 03: U Bah Pynshngianlang Syiem Chief Executive Member jong ka KHADC haba krenkum u kongsan ha ka jingynlait paidbah mynta ka sngi ia ka jingrwai “Sa sur jingkylla” ha Khasi National Dorbar Hall ia kaba la pynmih paidbh da ka kynhun jong ka jingialap ban wanrah ia ka jingkylla, u la ong “haba ki nongmih khmat paidbah ki don por ban leit plie Toilet “Painkhana” shaei ngin poi.
Haba kren kum u kongsan ha kane ka sngi u CEM jong ka KHADC u la ong ba u don ka jingkyrmen ki paidbah kin iohi ia ka jingkylla ha ka jylla. Kane ka jingiakhih ia ksaid ka long ban don ka jingkylla ha Rilum KHasi, Jaintia bad Garo.
La ioh ia ka jylla ba pura mynta la 45 tylli ki snem, hynrei ka jylla kam don ia ka policy ha kaba ia dei bad ka pule puthi, na ka bynta ki nongrep, na ka bynta ki samla sambhoi bad kiwei kiwei, ka jingkylli mynta ka long iano ban kynnoh ia ki nongmih khmat ne ia ki paidbah.
Ka Ri Khasi ka dei ka Ri kaba kyrpang, ka don ki dorbar shnong, ki dorbar hima, ki dorbar kur ia kine baroh don kam ban iada, na ka liang jong u CEM u la ong “kumba ka long mynta ngi kam ba ngi long trai ia ka jaka pute, ngi don bun ki marpoh khyndew, hynrei kaba sngewsih ka long ngim lah ban tih”.
Na ka liang jong u Bah Milon Warjri u dei u Chairman jog katei ka kynhun u la batai ia ka jingmut jong kane kane ka surok jingrwai kaba la pynlait paidbah mynta ka sngi. Kiwei ki para MDC kiba la ia don lang ha kane ka sngi ki long u Bah HS Shylla, Bah Banteidor Lyngdoh, Chairman ka KHADC u Bah LG Nongsiej, u Bah Morning Mawsor bad shibun ki riew rangbah ban ia sakhi lang ia kane ka sngi.
