Shillong, Kyllalyngkot 29: Ka Meghalaya Electriacal Corporation Limited (MeECL) kala dep phah ia ka dorkhas sha ka Meghalaya State Electricity Regulatory Commission (MSERC) ban kyrpang ia ka Commission ba kan ai jingbit ban pynkiew noh ia ka bai thang ding ilektrik.
Haba kren ha u SP News Agency, u dkhot jong ka Meghalaya State Electricity Regulatory Commission u R Keishing u la iathuh ba ia ka jingkyrpad jong ka MeECL kala don bad ka MSERC mynta bad ia ka rai ban pynbna ban pynkiew noh ia ka bai thang ding ilektrik kan long haba kut jong u bani Lber 2020.
Ha ka juh ka por u la ong ba ka Commission kala bishar bniah bha ia ki kyndon kiba ka MeECL ka pan ban pynkiew ia ka bai thang ding ilektrik khnang ba ki paidbah kin nym shah ktah ha kane ka jingpynkiew ia ka bai light.
Ka jingkhein kaba nyngkong haba shim ia ka rai ban pynkiew iaka bai ding ilektrik ka long halor ka jingpynmih bad ka dor ban die ia ka ding ilektrik sha ki paidbah ka shong nongrim ne em bad lada pynkiew kam dei ban ktah than ki paidbah.
La ong haba khein kyllum ia ka bai ding ilektrik ha kane ka thain shatei lam mih ngi jong ka Ri India ka dor ha Meghalaya ka dang long kaba duna ban ia nujor ba dkiwei ki jylla.
U la ong ba katba dang mih ki sngi ka jingkiew dor kala dang iaid bad kala dei ba ka MeECL ruh kan pynkiew noh ia ka bai ding ilektrik ia kaba ka commission kan sa ai jingbit ha u bnai Lber mynta u snem.
