Shillong, Naiwieng 14: U Syiem jong ka Hima Mylliem Pa’im Ricky Nelson Syiem u la ong ba haduh mynta ka hima kam pat ioh ia kata ka jingiarap na ka Special Central Assistance Scheme (SCAS) na ka Khasi Hills Autonomous District Council.
Haba kren ha u SP News Agency, u Pa’im jong ka Hima Mylliem Bah Ricky Nelson Syiem, u la ong ba ka ophis jong u Syiem ka Hima Mylliem haduh mynta kam pat ioh ia kata ka jingiarap na ka KHADC haba ia dei bad ka skhim SCAS ban pynbha ia ka Iewduh.
Ban pynkynmaw ba ha u snem 2016, ka Iewduh kala sakhi ia ka jingleit ban iuh kjat jong ki heh sorkar, na u Lat barim jong ka jylla u V Shanmuganathan, U myntri rangbah ka jylla u Dr Mukul Sangma, u myntri kam pynroi sor u Bah RV Lyngbad bad u Khlieh jong ka KHADC u Bah PN Syiem.
Ha kane ka jingleit na ka liang jong u CEM jong ka KHADC u Bah PN Syiem u la ai ka jingkular ia ka Hima Mylliem bay n sa mang pisa na ka SCAS jong ka sorkar pdeng na ka bynta ban maramot ia ka Iewduh ban leh lyngba jong ka Hima Mylliem kaba dei ka nongeit nongsumar ia ka Iew.
