Shillong, Iaiong
03: U Symbut Myntri rangbah ka jylla u Bah Prestone Tynsong mynta ka sngi u la pyntip paidbah ba ka jylla haduh mynta ka sngi ka jingpang COVID-19 kam pat don ha kane ka jylla Meghalaya.
Ka sorkar kala pynkhlain shuh shuh ia ka jingphara ha khappud bad ka Bangladesh, kum juh ha ki khappud bad ka jylla Assam, na ka liang jogn ka sorkar kala shim ia ki lad ki lynti baroh ban peit ba ki briew kiba na bar kin nym ioh ban rung sha ka jylla ha kane ka por ba don kane ka jingpakhang.
Ban ialeh pyrshah ia kane ka jingpang ba kan nym ioh ban rung sha ka jylla na ka liang jong ka sorkar kala shim ia ki lat ki lynti baroh ban iada ia kane ka jingpang, la kyrpad jur ia ki baor shnong ki balang bad ia baroh ban ia trei lang ban peit ba kane ka jingpang kan nym ioh rung ha ka jylla.
U Myntri symbut rangbah u la ong ba kane ka jingpang mynta kala don ha Assam, kumta ymd ei ban ia shim sting ia kane, la kyrpad ia ki dorbar shnong ba kin long kiba peitngor namar tang ka sorkar kan nym lah ban leh ei ei, dei na kane ka daw ba don kam ia ka jingiatreilang na baroh ki liang ban pynthikna ba ki briew kiba kwah ban rung sha ka jylla kim dei ban ioh rung sha ki shnong.
Kumba ka long mynta la jan poi sha ka sngi kaba ka sorkar pdeng kala buh ia ka jingpakhang bad kaba sah mynta ka long sa tang 11 sngi bad ha kine ki sngi kiba dang sah dei ban long kiba husiar bad kiba peitngor ha kaba ia dei bad kane ka bynta kaba dei COVID-19.
Haba ia dei bad ka kam ka dih kane ka dei ka bynta kaba ki paidbah ki khuslai bha, na ka liang jong ka tnad sambam kala trei borbah ban peit ba kan nym don kano kano ka jingduna bad u myntri ka tnad sambam u la dep ban batai.
U Symbut myntri rangbah u la ai khublei ia baroh ki nongtrei sorkar kiba la trei shitom ban peit ba kane ka jingpang kan ntm ioh ban rung sha kane ka jylla, 90% na ka jingtrei kam jong ka sorkar ka long beit tang kumno ban iada ia ka jylla na kane ka jingpang. La kyrpad ia baroh ban ia trei lang bad ka sorkar ha kane ka jingialeh ban iada ia ka jingpang COVID-19 ha kane ka jylla.
