Shillong, Naitung 12: U Symbut myntri rangbah ka jylla u bah Prestone Tynsong lem bad ki nongialam jong ka seng NPP kila hiar sha ka shnong Nongunraw kaba dang hap hapoh jong ka 53-Ranikor konsitiwensi ban ialap elekshon na ka bynta u kyrtong ka seng u Martin M Danggo.
Ha kane ka ialang paidbah u Bah Prestone Tynsong u la pan ia ka jingkyrshan na ki paidbah ba kin ai biang ia ka jingjop ia u kyrtong ka seng u Martin M Danggo kum u MLA ha kane ka elekshon shiteng samoi kaban long ha ka 23 tarik mynta u bnai.
U Bah Prestone u la ong ba u Martin u la hiar shuki kum u MLA na ka bynta ka jingmyntoi jong ki paidbah ym na ka bynta jong u shimet, kam dei kaba suk ia u MLA ban hiar shuki, hynrei u Martin u hiar shuki khlem da pyrkhat na ka bynta ia lade hynrei u la leh ban myntoi ki paidbah.
Ha kane ka sngi la synranlang ia u Bah Prestone da ki nongialam jong ka seng na ka party bad kum juh na ki nongkyrshan ka seng NPP jong ka 35-Ranikor Konstitwensi. Ha kane ka jingialang da ki spah ngut ki paidbah nongshong shnong kila wan ban sngap ia ka jingkren jong u Symbut Myntri rangbah.
