Hajar tuid ki paidbah na rilum Khasi-Jaintia sha Madan Weiking ban rakhe ia ka  “Seng Kut Snem”

Shillong, Naiwieng 23:Ha ka 23tarik Naiwieng man la u snem la rakhe ia kane ka sngi kum ka sngi ‘Seng Kut Snem” da ki briew jong ka seng khasi kiba dang bat ia la ka jong ka niam tynrai bad ha kane ka sngi ka long ban duwai phirat ha u blei nongbuh nongthaw ban iada ia ka jingbynriew khasi.

Ha kane ka sngi rakhe iaka jingdap 119 snem jong ka Seng Kut Snem, la sdang ia ka da ka jingiaid paidbah na Madan Iewrynhep lyngba ki surok bah jong kane ka nongbah Shillong, ha kaba ki thei badki rang samla kila riam ia la ki jong ki jingraim tynrai ban pyni sha ka pyrthei ba kum ka jaidbynriew khasi ka don la ka jong ka tynrai.

Ia kane ka sngi la rakhe kum ka sngi sah kynmaw halor ka jingialeh jong ki 16 ngut ki riew rangbah ha kaba ki la seng ia ka seng kaba la tip kum ka ‘Khasi Young Men’s Association ban iada ia la ka jong jinglong tynrai bad ia kane ka seng la seng ha ka 23th Naiwieng 1899 ban iada ia la ka jong ka niam tynrai.

Dei ha u snem 1901 ia kaba la jer kyrteng ‘Seng Khasi”. Kane ka seng ka ieng rangbah ban iada ia la ka niam tynrai na ka jinghah thombor ha ki phareng ha ka por ba ka Ri India ka dang shah synshar ha ki nong Bilat. Kane ka jingrakhe ia k seng kutsnem mynta ka sngi kala kynjah sha ka jingdap 119 snem.

Ka jingrakhe ia kane ka Seng Kut Snem la sdang na Madan iewrynhep, da kaba iaid paidbah ia kaba la tipkum ka jingiaid pyniriti na duh katei ka jaka sha duh madan weiking, ha kaba kala don ka jingiakren ia khana ka jingsnneng jingkraw na ki long san man san jong ka seng Khasi ha madan Weiking ryngkat ka risa ka phawar.

Ki riew rangbah ka seng kiba la kren mynta ka sngi ha Madan Weiking, ki long u Bah DK Dkhar president ka seng khasi, Bah S Jala u ba la pyndep ia ka duwai ka phirat ryngkat ki rewi rangbah ka seng. Ia ka kaiphot ka seng la pule da u bah P D Nongrum General Secretary ka seng.

Kiwei kiba la kren ha kane ka jingrakhe ia kane ka seng kut snem mynta u snem ki long u Bah Synroplang Kharshiing u synbut general secretary jong ka seng kmie, u Doloi jong ka Jowai Elaka u bah Puramon Kynjing. Kine baroh ar ngut ki nongkren kila banjur ia kawei ka bynta ka long ban bat skhem ia la ka jong ka tynrai hala ka niam ka rukom kaba la ioh pateng na u ni ukong.

Ia ka jingkren ai khublei la kren da u bah O Shanpru symbut president ka seng kmie. Ha kane ka sngi kala dong ka jingshad ban pynia ia la ki jong ki riti dustur katkum ki dong ba ki jaka. Ki paidbah na kylleng ka Ri Khasi Jaintia kila ia poi ban sakhi ia kane ka sngi burom ia ka seng kut snam.

 

 

 

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet