Haka 20 tarik mynta u bnai yn plie paidbah u Conrad ia ka MHIS-IV, yn sdang ha u Kyllalyngkot

Shillong, Nohprah 03: Mynta ka sngi ka sorkar Meghalaya, lyngba ka Megha Health Insurance Schemes (MHIS)  kala ia soi ia ka kontrak bad ka Reliance General Insurance Company (RGIC) ban pyntrei kam ia ka MHIS-IV ha kane ka jylla Meghalaya.Ha kane ka kynti kaba mynta hapoh jong ka MHIS Ayushman Bharat – Pradhan Mantri Jan Arogya Yojana (AB-PMJAY).

Haba kren ha u SP News Agency, u Chief Executive Officer  (CEO) jong ka Megha Health Insurance Schemes la iathuh ba ia kane ka skhim MHIS-IV yn sap lie paidbah da u myntri rangbah ka jylla u Conrad K Sangma ha ka 20 tarik mynta u bnai.

Ia ka jingpynrung kyrteng ia ki briew kan sdang naduh ka 01st Kyllalyngkot 2019. Ia ka jingtip kaba bniah na ka liang jong ka MHIS kan sa pyntip paidbah lyngba ki lad pathai khubor kumno ban leh ia kane bad ki paidbah ki hap ban leit sha ei ban register ia lade ban ioh ia kane ka jingmyntoi.

Ban pyntrei kam pat ia kane ka MHIS-IV kaba ki paidbah kin sa ioh ia ka jingmyntoi lyngba kane ka skhim kan long naduh kan taiew ba nyngkong jong u bnai Rymphang 2019. Kane ka dei ka jingpynkhreh na ka liang jong ka ophis ban pyniaid ia kane ka kam hapoh ka jylla na ka bynta ka jingmyntoi jong ki paidbah la ong u Pravin Bakshi CEO.

 

What Next?

Recent Articles

Leave a Reply

Submit Comment

*