Haka 28 tarik mynta u bnai yn pyllait paidbah ia ka phlim 9-Lad ha Biju: Commander

Shillong, Rymphang 02: Ka jingiai ap khmieh lynti jong ki paidbah ban iohi noh ia ka phlim Khasi kaba la bna nam ka 9-Lad ka lah jan urlong namar ia kane ka phlim ba la kwah peit bha dik dik da ki paidbah yn pyllait paidbah noh ha ka 28 tarik mynta u bnai Rymphang ha Bijou Cinema, Shillong bad ia kane la pynthikna ruh da u Director uba dei ruh ha ka juh ka por u Producer u bah Commander Shangpliang.

Haba iakren bad u bah Commander Shangpliang uba dei ruh ha ka juh ka por u President jong ka seng ki nongshna phlim ka Meghalaya Film Makers Association bad kumjuh ruh u President jong ka Hill Farmers Union (HFU) u la iathuh ba, ha ka jingshisha ia kane ka phlim la pyrkhat ban pyllait ha u snem 2019, hynrei na ka daw ba la hap ban kham pynbha shuh shuh la hap ban shimpor  bad u la pynpaw ia ka jingsngew kmen ban ioh pyllait noh mynta u bnai jong u snem 2020.

Haba kylli balei u la ai kyrteng ia kane ka phlim 9-Lad bad halor ka khana jong kane ka phlim, u bah Shangpliang u la iathuh ba ka jingthmu kaba kongsan ka long ban pynneh pynsah ia ka kyrteng ba shisha jongka 9-Lad namar mynta kiba bun ki la khot noh da ka PB.

Halor ka khana u la ong ba ka 9-Lad ka dei ka jaka kaba ki briew ki im ban kamai jakpoh bad don ruh kiba la kylla long ki heh spah bad ka khana ruh ka long halor ka jingim ban kamai jakpoh lyngba kane ka jaka.

Ha kane ka phlim la pyni shaphang ka jingkamai lyngba kane ka Iew bad don ruh kiba kamai lyngba ka lynti kaba kham pher bad yn lah ban tip kham bniah ia kane tad ynda la iohi kane ka phlim u la bynrap.

ka pyni ruh halor ka jingsniew jong ka kyiad, ka jingbymkitkhlieh ia ka iing kasem, ka jingshim kabu ia ki riew kynthei, ka jingpyndonkam bakla ia ka bor bad ka ai ruh ka jingkhubor jingsneng ban kyiar rai maw rai dieng na kiba bun ki kam sniew.

La sngewthuh shai ba kane ka phlim kan dei ka phlim kaba itynnad bad ka rukom ringdur, acting, editing bad kiwei kiwei ki long katkum ka juk kaba mynta bad kaba lah ruh ban ianujor bad ki phlim hindi bad lah ruh ban pynshisha ia kane lyngba ka jingrwai 9-Lad kaba la thep ha Youtube bad kumjuh ruh ka trailer.

 

 

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet