Shillong, Naiwieng 13: Ki pulit jong ka East Jiantia Hills District kila pynlong ia ka jingkhyra ha kylleng ki jaka ha dien ba kila ioh jingtip ba kila don ki nongkhaii drok kiba la poi sha ki thain khliehriat.
Na ka liang jong ki pulit kila pynap ktem ha bun ki jaka, ha ka 11 tarik kila kila ioh kem saw ngut ki briew bad kila ioh ban kurup 45 gram u herion bad la kem ruh saw ngut ki briew na kawei ka kali kaba don ia u number ML-10A-4268 na Moopala, kiba la shah kem ki long u Kyrshan Syrti, u Trusty Latam, u Ferdinand Pale bad u Chanmi Patwet.
Ki pulit ha ka 12 tarik kila pynap ktem ha kaba ki la ioh ban kem ia u Sanjit Singha na ka kali kaba don ia u number ML-04A-4819 na ka shnong Byndihati bad na u la ioh kurup 1.48 gram u Herion.
Ha kane ka juh ka sngi ki pulit kila ioh ban kurup 34.29 gram u herion na ka kali kaba don ia u number AS-24A-1861 na Moopala bad la ioh ban kem ia u Sabul Uddin bad u Aftab Uddin. Ki pulit kila register ehjahar ia kitei kiba la shah kem.
Ha ka jingkhynra mynta ka step ki pulit kila ioh ban kurup 4.15 gram u herion na ka iing jong ka kong Chales Myrchiang na ka shnong Ladrymbai na ka dong Dongwah Pohktieh haba ia dei bad kane ki pulit kila register ehjahar la ka jong ia kane ka long kmie.
Na ka liang jong ki pulit kila pynpaw ia ka jingsngewnguh ia ki paidbah kiba la ai ka jingiatrei lang bad ki pulit ha kane ka jingkhynra ia ki nongdie drok hapoh jong ka East Jiantia Hills District. Na ka liang jong ki pulit kila kyntu ia ki paidbah ba kin wan sha khmat ban pyntip ha kaba ia dei bad ka jingdon jong ki nongkhaii drok.
