Halor ka IOA leit ban pynshai ka Federation of Khasi States sha Elaka Tyrna

Shillong, Nailur 07: Ka Dorbar Federation of Khasi States ha ka sngi Thohdieng  ki la poi ha ka jingialang kaba la pynbeit Lang bad kaba la pyniaid da u Bah D Marbaniang, Sirdar Elaka Tyrna Sirdarship,  ban pynshai ia ki nongrim jong ki dulir Instrument of Accession and Annexed Agreement kaba 17 August 1948 (IOA & AA).

Ha katei ka jingialang na ka liang u Bah John F Kharshiing, Adviser & Spokesperson, Federation of Khasi States, u la pynshai ba ki jingeh jong ka jaidbynriew baroh ki long na ka jingsahkut jingsahteng MYNTA 71 SNEM (1948-2019) ka jingbympyndep ban bsuh ha ka Article kaba shai ia ki kyndon Instrument of Accession and Annexed Agreement kaba 17 August 1948 (IOA & AA).

U la Ong ba Haduh kine ki sngi ym lah pynbeit pud u Sam namar bym ithuh ia ki Khasi States, hynrei katba ki 500 tam ki Hima Sha to Thor ki la duh la dam namar ki soi ia ka Instrument of MERGER. ki Hima Khasi States Kim shym treh ban soi ia ka Instrument of MERGER. Kumta haduh kine ki sngi ka kyntien KHASI STATES ka paw ha ka First Schedule Jong ka Constititution Ri India.

Ki paidbah ki mad ki jingeh namar kine ki Jing bym shim khia naduh ka ka Kam register khyndew ha kaba hap leit register katkum ka Indian Registration Act 1908, ka Citizenship Act 1955, ka Border Security Force Act 1968, ka NHAI Act, ka MMDR Act 1957, ka FC Act Act 1980, kumjuh ka jingeh ha kaba iadei khamtam bad ka hok long trai halor ki Khlaw ki btap ki um ki wah ki mar poh khyndew bad kieei kiwei kiba bun ki Act ki Rule  kiba mih na ka Parliament khlem da pyrkhat kumno kin ktah ia ka rukom bat khyndew ha kane ka Ri Khasi jong ngi.

U la pyntip ha ka Dorbar ba mynta kumba ka long Lada bishar ia ki Seng sain pyrthei ka NCP, NPP, HSPDP, UDP, MDP, KHNAM, BJP, INC, PDF baroh ki la pynmih ha ki Manifesto Jong kiba ki kwah ban ia kren bad ka Sorkar India ba Kan iada ia ki jingsynshar kyrpang kiba don ha  Ri.Khasi katkum ka Instrument of Accession and Annexed Agreement kaba 17 August 1948 (IOA & AA) hynrei haduh kine ki sngi kitei ki kam ki sahkut.

Ka jingkyrmen ka don mynta namar ki bor KHADC ki la thaw ia ka Committee ban bishar halor ka IOA & AA bad halor ki Ain Khlaw, Ain tih Maw, Ain tong shiap, kiba la mih bad la pynsloit ia ki iktiar jong baroh Lai ki ADC hapoh jylla Meghalaya. U la kyntu ia ka Elaka Tyrna ban ai ka jingiatreilang kaba Jan bad ka FKS Kum shibynta ban pynkhlain ia ki nongrim Jong ka IOA & AA.

U bah John F Kharshiing, u La pynshai halor ki San tylli ki kyndon ia soh India ki Hima Khasi States bad la aiti ha u Sirdar ka Elaka ia ki kot ki sla kiba donkam bha ban kiba iadei khamtam bad ka Annexed Agreement Jong ki arphew san Khasi States. Bad u la kyntu ia baroh ki 29 Sirdarship ban shim khia ban pyndep ia ki jingplie lad lyngba ka kyndon saw ka Annexed Agreement Jong ka Instrument of Accession 17 August 1948.

Ha katei ka jingialang la ioh ruh ka jingkren na u Paiem KM Syiemlieh, Syiem Khynnah, Hima Nongkhlaw, & President, FKS, u Bah HL Ryntathiang, General Secretary, FKS, bad Lyngdoh Hima Lyngiong, u Bah M Mawdkhap, Myntri, Hima Sohra bad kiwei kiwei. Kiba la pynshai ba ka FKS ka iai angnud ba ka.Ri India Kan ithuh ia ki Hima Khasi States katkum ki Kyndon kumba la ia kut bad mynjur ha ka Annexed Agreement hapdeng ka Sorkar India bad ki arphew san Hima Khasi States.

 

 

What Next?

Recent Articles

Leave a Reply

Submit Comment

*