Shillong, K.Lyngkot 31: Halor ka jingbthei bom ha police Bazar mynnin ka sngi u blei na ka liang jong ki pulit kila ioh ban kem ia u wei u briew ba ki suba ba don kti ha katei ka sniew, haba la tohkit la shem ba u dei u Area Commander Shillong Region.
Ha ka kyrwoh kaba la phah mynta ka sngi na ka liang jong ki pulit ka East Khasi Hills District u Superintendent ki pulit jong ka East Khasi Hills u bah Sylvester Nongtnger la iathuh ba ha ka jignthoh kit u ba shah kem u la phah ba u dei u Area Commander jong ka seng lehnoh kaba la shah niew beain.
Ha kane ka jingtohkit u ba la shah kem u la ialam sha ka iing jong u ba ha iing ba don ha Nongthymmai bad na iing la ioh ban kurup sa u wei u bom ha kaba ki pulit kila ioh ban pynbthei bad ia u bom la shim da ki pulit ha ka jingdon lang ki nongsakhi na ki riew paidbah.
Halor katei ka jingjia na ka liang jong ki pulit kila register ia ka ejahar hapoh Sardar Police Station bad la pyngat ha ki kyndon ba bun jong ka IPC bad hapoh ka kundon kaba 5 jong ka Explosive Substance Act bad ka jigntohkit ka dang iaid sha khmat.
Na ka liang jong ki pulit kila pynshai ba ia u bomb ala buh ha ka miet sngi u blei la buh ha ki maw kyndon ka dukan ba dei jong ka Centre Point, ha kane ka jingjia kiba la julor dei ki iit ka kynroh maw kyndon, ka jingioh kem jong ki pulit ka long ha dien ba kila tohkit ia katei ka jingjia.
