Shillong, Jylliew 20: Mynta ka sngi ki nongtrei sngi bad kiba trei kontrak hapoh jong ka skul bah North Eastern Hills University hapoh jong ka lama jong ka All NEHU Workers Union (ANWU) kala leit ban ia kynduh ia u Lat jong kajylla u Satya Pal Malik ban pynsngew ha u ia ki jingeh jong ki nongtrei hapoh katei ka skul bah jong ka sorkar pdeng.
Haba kren ha ki lat pathai khubor u bah Nepolian Mawphniang President ka Union la ong ba ka jingwan jong ki ban ia kynduh ia u Lat ka jylla ka long ba kin pynsngew ha ia ki jingeh jong ki 500 ngut tam ki nongtrei bylla sngi bad trei kontrak hapoh katei ka skul bah ba don ha Shillong bad Tura.
Ka jingiakynduh bad u lat ka jylla kaba kila pynpaw mynta ka long ha lor ka jingbym lah ka NEHU ban ithuh ia ki nongtrei kiba la trei palat ia ka 10 snem mynta, la kynnoh ba ki don pat kiba khlem pat kot hapoh katei ka snem kila da dep ioh ia ka jignithuh kum ki nongtrei ba pura kane ka buh ia ka jingsuba sniew ia ka rukom leh ka skul bah.
Ha kane ka jingiakynduh la pynpaw ruh ia ka jingrit palat ka jingsiew kaba shong dor tang 400 tyngka shi sngi ha kane ka pyrthei rem kala bainong kala lut tang ha kabai kali ka seng kala kyntu ia u lat ka jylla ba un ia kren lem ia kane ka jingeh kaba ki nongtrei ka NEHU ki ia kynduh.
Ha kane ka jingiakynduh kila pynsngew ruh ha u lat jong ka jylla ia ka jingleh bym suidniew kibor pyniaid namar ia ki long kmie kiba ioh khunlung ruh kim shah ban shim shuti, lada ki pep ha kane ka por ki shah weng syndon na ka kam ruh, kila don kiba trei 25 snem haba khlad noh u ne ka nongtrei kim ioh bujli shuh ha ka kam.
U Bah Mawphniang la ong ba na ka liang jong u Lat ka jylla u la shah skhor ia kane ka jingud jingnam ka jong ka ANWU bad la kular ba un sa ia kren bad ki bor ba dei peit ia kine ki jingeh kaba ki nongtrei ha kane ka skul bah ki ia kynduh jingeh, kyrpang ia kiba trei sngi bad kiba trei kontrak.
