Ba kynnoh ba jur ka Radiation ha Domiasiat thung ka sorkar ia ka “Expert Agency”: Prestone  

Shillong, Risaw 16: Halor ka jingkynnoh ba ka jur ka Radiation kaba mih na ki top ba thep ia u uranium ha Domiasiat kumba la paw ha ki lat pathai khubor ka sorkar mynta ka sngi kala shim ia ka rai ban thung ia ka “ Expert Agency, lane ka Expert Committee” wad bniah halor katei ka jingkynnoh la ka dei kaba shisha ne em, la ong u bah Prestone Tynsong Symbut myntri rangbah ka jylla.

Haba kren ha ki lat pathai khubor mynta ka sngi u bah Prestone u la pyntip ba ka sorkar kala shim ia ka rai ban thung ia ka “Expert Agency lane ka Expert Committee” ban jurip ha kaba ia dei bad kane ka jingkynnoh ba don kata ka Radiation kaba jur ha katei ka thain Domiasiat kaba mih na ki top bala thep ia ki jaboh ba mih na u Uranium.

Haba ia dei bad kane ka kam la ai bor ha u Chief Secretary jong ka jylla ban thung ia kane ka kynhun ba kyrpang ha kane ka taiew ban wan ba kin wat bniah halor kane bad ha dien kata ka long ba kin hap ban ai ia ka kaiphot sha ka sorkar ban ia shai lang la kane ka jingkynnoh ka long kaba shisha ne em.

Haba ka jylla hato kane ka agency kan long na ki stad jong ka sorkar ne na ki Agency shimet, u bah Prestone u la ong ba ynda la thung ia kane Agency yn sa tip bad ka sorkar kan sa pyntip sha ki paidbah. Kane ka kynhun ka lah ban long na poh ka jylla lane na shabar ka jylla.

Ka thong jong ka sorkar ka long ban ia shai halor kane ka jingkynnoh ba ka don kata ka Radiation kumba ka long kynnoh da ki seng bhalang bad na ki katto katne ki briew, ha dien ba la ioh ia ka kaiphot na ka Expert Agency lane ka Expert Committee hangta yn sa ia shai la ka don shisha ne em kata ka Radiation.

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet