Shillong, Jylliew 09: Halor ka jingpang “Hepatitis B bad C” Ki shipai BSF hapoh ka hospital jong ki kaba don ha Umlping kila pynlong ia ka jinghikai ia ki paidbah kumno ban sumar bad ban iada ia ka.
Ha ka sngi Sautjain ki Shipia BSF ha kane ka Hospital kila sumar ruh 85 ngut ki kynthei, 15 ngut ki khynnah bad 32 ngut ki rangbah ha kaba ia dei bad kane ka jingpang. Ha kane ka sngi la hikai bad pynshai ruh kumno ban leh ban iada na kane ka jingpang.
Ha kane ka jingai jinghikai na ka liang jong ki doctor jong ki shipai BSF kila pynsngew ba ka long kaba bha ban leit phah peit sha ki jaka ai jingsumar khnang ba lada leh ha kane ka rukom lah ban iada lada dei ha ka por ba dang sdang.
Ia kane ka jingai jingsumar la leh hapoh ka jingpyniaid jong u Doctor, u Dr A C Bhardwajan, DIG jong ka Medical Superintendent jong ki BSF, Meghalaya. Na ka liang jong ki BSF ki juh pynlong ia kum kane ka jingsumar na ka por sha ka por ym tang ha Shillong hynrei ha ki shnong ha khappud bad ka Bangladesh ruh kum juh.
