Halor ka jingshlei um, Ia kynduh u Lat ka jylla ia u myntri rangbah duh ka Ri u Modi

Shillong, Nailar 18: U Lat jong ka jylla Assam bad dei lang ruh ia ka jylla Meghalaya u Banwarilal Purohit mynta ka sngi u la ia kynduh ia u myntri rangbah duh jong ka Ri India u Narendra Modi hapoh jong ka nongbah jong ka Ri ha Delhi.

Ha kane ka jingiakynduh ka phang ba u Lat ka jylla u la ia kren bad u myntri rangbah duh jong ka Ri ka long halor ka jinglynshop jong ka mariang ia kane ka dong shatei lam mih ngi jong ka Ri India, na ka jingshlei um.

Haba phai sha ka jylla Meghalaya, kaba la shah ktah jur eh ha kane ka jingslei um mynta u snem ka dei ki bynta jong ka West Garo Hills District ha kaba ki briew kila hap ban mih na la ki jong ki iing ki sem ban sah ha ki jaka kiba la buh kyrpang da ka sorkar.

Ha kane ka jingslei um bun ki surok kila duh bad ki jingrip jingdup, ka rep ka riang jong ki briew bad kane ka jingshlei um kala ktah ia ka jylla Meghalaya hi baroh kawei, ym tang sha ki bynta jong ka Garo Hills hynrei wat sha kine ki lum khasi ruh kum juh.