Shillong, Nohprah 13: Ka HYC mynta ka sngi ka la phah jingthoh sha u Myntri Rangbah ka jylla u Conrad K Sangma bad u myntri ka main ban pynpaw ba ka seng kam sngew iahap bad ka jing ong u Nong bishar ka High court u S R sen ba ia ki bar ri na ka niam Hindu, Sikh, Buddhist, Jain, Paris , Kristan bad kiwei yn shah ia ki ba kin long nong India kam pher la ki don ne em ki kot ki Sla kiba biang bad kham pher kumno ki rung ne poiwir sha ka Ri India .
ka seng kam sngew iahap ruh ba ong ba ka sorkar ne ki nongthaw Ain kin wan rah ki Ain ba yn khein ia ki poiwir bar ri na Bangladesh, Pakistan bad Afghanistan ki nong India lada ki dei Na ka niam Hindu bad kiwei lada ki wan sha India khlem ki kot kiba biang .
Lada ngi shah ia kum kine ba kin long Ain ngi ki jaidbynriew rit paid ha North east ngi sa shah tyllep Noh ha ki poiwir mynder Ri bad ngin sa duh bor noh ha ka synshar , ha ka ioh ka kot, ngin sa duh ka khyndew bad Ki riti dustur Jong ngi kin sa duh Noh .
Ka HYC ka la dawa na ka sorkar Meghalaya ba ka dei ban thoh sha u prime minister, home minister, law Minister ka Sorkar kmie bad ruh sha ki MP ba kim dei ban wan rah Kano Kano ka Ain kaban khein nong India ia ki bar ri na Bangladesh, Pakistan bad Afghanistan kam pher la ki dei Na ka niam aiu ne ka jaidbynriew aiu.
Na ka liang ka seng ka la dawa ruh na ka sorkar ba ka dei ban khmih bniah bad ujor sha ing kashari ba kham halor ia ka Rai u nong bishar ka Meghalaya high court u Justice SR Sen uba la khein beain noh ia ki notification ka sorkar jylla ha ka liang ka jing ai Permanent Residential certificate.
