Shillong, K.Lyngkot 30: Ki seng nongniah Taxi kila ia kynduh mynta ka sngi ha Mawlai ban ia kren halor kane ka jingkiew palat ka bai Petrol bad kane ka jingkiew kala ktah ia ka bai shong kali jong ki paidbah.
U Bah Wandonbok Jyrwa President jong ka seng ki nongniah Taxi, u la ong ba ha ka jingialang kaba la long mynta ka sngi kila ia shim ia ka rai ba kin kin leit ban ia kynduh ia ka sorkar ha kane ka sngi nyngkong ban wan ban ia kren ia kane ka jingkiew palat ka umphniang.
Na ka liang jong ki nongniah Taxi ki dawa na ka sorkar ba ka dei ban pynhiar ia ka dor umphniang lane kan pynkiew ia ka bai kali, namar ban kamai ha ka dor rim bala buh da ka sorkar kim lah shuh ban pynim namar ki hap ban siew ia ki khajna bad pyndap ruh ia ka ing ka sem.
Kumba ka long mynta ki kali kamai jong ka sorkar, ki kali saw ki kamai bad ki shem ia ka dor kaba palat ia ka dor bala buh sorkar, kine ki kali kim don kam siew khajna sha ka sorkar ka sorkar kala dei ban ong ia ki ba kin shim ia ka dor sorkar.
Katkum ka jingkylli jong ki dkhot jong ka seng na ki petrol pump balei ka kiew dor ka umphniang haduh katne la iathuh ba ka khajana kala kiew sha ka T.31.50 tyngka shi litter ka petrol bad kane ka jingpynkiew ia ka wan na ka sorkar.
Na ka liang jong ka seng kin leit ban ia kynduh ia ka sorkar la sngi nyngkong lada ka sorkar kam lah ban leh ei ei kim base ban shim ia ka rai ba kin pynkiew hi noh ia ka bai kali lada ka sorkar kam leh ei ei ei.
