The Minister of State for Development of North Eastern Region (I/C), Prime Ministers Office, Personnel, Public Grievances & Pensions, Atomic Energy and Space, Dr. Jitendra Singh addressing a webinar on Act East Policy, organised by the ICRIER, in Guwahati on March 20, 2021.
Shillong, Lber 25: Ka Sorkar ka ieng skhem na ka bynta ka roi ka par ha ka thain shatei lammihngi kaba kynthup ruh ia ka rilum Garo ha Meghalaya. Napdeng ki 11 tylli ki distrik jong ka jylla, 5 tylli ki don ha ka thain rilum Garo. Ha kane ka thain, dang pyntreikam mynta 13 tylli ki jingtrei ban shna lane pynheh ia ki surok bad ki jingkieng kiba kot baroh 133.8 km.
Mynta dang pyntreikam ia ar tylli ki skhim kyrpang jong ka Sorkar ha kylleng ka ri kiba long ka Deen Dayal Upadhyaya Gram Jyoti Yojana (DDUGJY) bad ka Pradhan Mantri Sahaj Bijli Har Ghar Yojana-Saubhagya ban pynpoi bording elektrik sha baroh ki shnong bad ki jaka ha ki nongbah, bad ki treikam ruh ha Meghalaya.
Baroh ki shnong ha ka thain rilum Garo kiba don hapoh ka khana samari ki la ioh ia ka bording elektrik. Hapoh ka skhim North Eastern Region Power System Improvement Project (NERPSIP), dang pyntreikam 14 tylli ki projek bording elektrik ha ka thain rilum Garo.
Shuh shuh, mynta dang pyntrei ia 46 tylli ki jingtrei kiba iadei bad ki surok, ka bording, ki kam rep, ki karkhana, ka koit ka khiah, ki kam ialehkai, ka Science & Technology ha ki 5 tylli ki distrik kiba hap ha ka thain rilum Garo. Dei tang ka thain Garo ha Meghalaya kaba la iasnoh bad ki lynti rel jong ka ri lyngba ka lynti rel Mendipathar – Dudhnoi.
Hapoh ka Comprehensive Telecom Development Plan, la ai jingmynjur na ka bynta 389 tylli ki tower ki ban ai jingshakri ia 534 tylli ki shnong ha 3 tylli ki distrik jong ka thain rilum Garo ha kaba kin ioh ia ka signal mobile 4G. Hapoh ka Prime Minister Kaushal Vikas Yojana, haduh mynta 20,151 ngut ki briew ki la ioh jinghikai ban plie lad ioh kam ia ki.
Ki sienjam ba la shim da ka Sorkar Jylla hapoh ki skhim ka Sorkar Pdeng lane ki skhim ba bei tyngka da ka Sorkar Pdeng lane ki skhim ka Sorkar Jylla ki kynthup ia ka jingshna ia ka medical kolej kaba pyniaid da ka Sorkar Jylla ha Tura, West Garo Hills, ka jingpyllait pisa na ka bynta ka Tribal Research Institute ha Babadam, West Garo Hills.
Ka sorkar pdeng kala ai jingai jingmynjur ban sdang ia ki Eklavya Model Residential School (EMRS) ha 6 tylli ki Community & Rural Development Block jong ka thain rilum Garo bad ka jingshna ia 36 tylli ki Anganwadi Centre Building (AWC).
Dang pyntreikam ia ka Jal Jeevan Mission- Har Ghar Jal (JJM) kaba buh thong ban pynbiang um lyngba ki kor um ha man ka thliew iing ha ki shnong shuwa u snem 2024. Hapoh ka 31% na ki longiing ha ka thain rilum Garo ki la ioh ia ki kor um haduh u Kyllalyngkot, 2021.
Ka Sorkar Meghalaya ka la pynkhreh ia ka Human Development Index ha u snem 2008 lyngba ka jingiarap jong ka United Nations Development Programme (UNDP) bad ka Planning Commission kaba don ha kato ka por. Ki kyrdan jong ki 7 tylli ki distrik kiba don ha ka jylla.
Ka tnat Development of North Eastern Region ka dang pynkhreh ia ka Sustainable Development Goal Index ha man ki distrik jong ka thain shatei la mihngi lyngba ka NITI Aayog ha kaba la ai jingiarap ruh da ka UNDP.
Ia kane la pyntip da u Myntri khynnah ka Sorkar Pdeng (Independent Charge) ba dei khmih ia ka tnat Development of North-Eastern Region (DoNER), MoS PMO, Personnel, Public Grievances & Pensions, Atomic Energy & Space, u Dr Jitendra Singh ha ka jubab ba la shu thoh ha Rajya Sabha mynta ka sngi.
